Juan 1:50

Aymar Bibliia 1986

Jesusasti saraquïnwa: —¿Higo ali c'uchun uñjsma uc satajjatti nayarojj iyawsista? Ucat sipansa jichhajj jach'a luräwinacwa uñjäta.

Jak'a apnaqawi uñst'ayäwi

Mateo 13:12

Qhitinacatejj utjirinïqui ucarojj juc'ampiw churasini, uqhamatwa jupanjj walja utjani. Ucampis qhitinacantejj jan cunapas utjqui ucanacatjja apakatäniwa mä juc'a utjiripasa.

Mateo 21:19

Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Mateo 25:29

Qhititejj utjirinïqui ucarojj juc'ampiw churasini, jupansti jilarquiriw utjani. Ucampis qhitintejj jan utjqui ucatjja apakatäniwa mä juc'a utjiripasa.

Lucas 1:45

¡Cusisiñaw juman iyawsatamajj, cuntejj Tatitojj sisctam uca arunacasti phokhasiniwa!

Lucas 7:9

Uc ist'asinsti Jesusajj wali muspharataw uca jaketjj uñjasïna, ucat jupar arquir jakenacaru uñtasinjja saraqui: —Chekpachansa, janiw israelitanac taypinsa aca jakjam wali iyawsañanjj jicjjatcti —sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 1:51

Jesusajj sascaquïnwa: —Khanacwa sapjjsma, jumanacajj uñjapjjätawa alajjpach jist'arata, Diosan angelanacaparusti maqhatquiri, uqhamarac Jaken Yokapjjaru sarakasinquiri —sasa.

Juan 11:40

Ucampis Jesusajj sascaquïnwa: —¿Janit nayajj siscsma, jumatejj iyawsäta ucajja, Diosan jach'a ch'amapjja uñjätawa —sasajja?

Juan 20:29

Jesusasti juparojj sänwa: —Tomás, jichhajj jumajj uñjatam laycuw iyawstajja. Cusisiñanïpjjewa jan uñjcas iyawsirinacajja —sasa.