Juan 1:21

Aymar Bibliia 1986

Ucjjarusti wasitampiwa jisct'apjjäna: —Uqhamasti ¿qhitïtasa? ¿Elías profetätati? —sasa. Juanasti saraquïnwa —Janiw ucäctsa —sasa. Ucjjarusti jisct'apjjaraquïnwa: —Uqhamasti ¿qhä profeta jutañapäqui ucätati? —sasa. Juanasti sänwa: —Janiw ucäctsa —sasa.

Jak'a apnaqawi uñst'ayäwi

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Mateo 11:14

Jumanacatejj iyawsañ munapjjstajja, Juanasti Elías profetajj jutañapäcäna ucawa.

Mateo 16:14

Jupanacasti sapjjänwa: —Mayninacajj: “Bautisiri Juanaw” sapjjewa, mayninacasti: “Eliasaw” sasaraqui, yakhepanacasti: “Jeremiasaw” sapjjaraquiwa, jan ucajj: “Yakha profetäpachaw” sapjjaraquiwa.

Mateo 21:11

Jakenacasti sapjjänwa: —Galileancquis uca Nazaretanquir Jesús profetawa —sasa.

Lucas 1:17

Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa.

Juan 1:22

Ucjjarusti sapjjaraquïnwa: —Uqhamasti, ¿qhitïtasa? Yatiyapjjañajjawa qhitanipquitu ucanacarojja. ¿Camsapjjetasmasa juma pachpatjja? —sasa.

Juan 1:25

Juanarusti jisct'apjjaraquïnwa: —Uqhamasti jan Cristöcstajja, ni Eliasäcaractasa, ni qhä profetäcaracsta ucajja, ¿cunatsa bautistajja? —sasa.

Juan 6:14

Jesusan uca milagro luratap uñjasinjja, jakenacajj sapjjänwa: “Chekpachansa aca jakejj jutañapäcän uca profetawa” sasa.

Juan 7:40

Yakhepanacajj uc ist'asajj sapjjänwa: “Chekpachansa aca jakejj jutañapäcän uca profetawa” sasa.