Josué 6:6

Aymar Bibliia 1986

Josué chachasti sacerdotenacaru jawsasinjja sänwa: “Jumanacasti Diosan arcap apapjjam, ucatsti pakallkonirac sarapjjam pututunac apt'ata Diosan arcap nayrakata.”

Jak'a apnaqawi uñst'ayäwi

Éxodo 25:14

Uca lawanacjja arca cayunacana uchatäqui uca argollanacaruw sut'untayäta, ucampi arca callañataqui.

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

Josué 24:11

Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Josué 3:3

aca ewjjanacwa israelit jakenacarojj churapjjäna: “Cunapachatejj Diosan Sumancayiri Arcap Leví tribunquir sacerdotenacajj callachipjjar apasquir uñjapjjäta ucqhajja, campamentonacamatjja mistunipjjätawa ucatsti ucan khepap arcapjjäta,

Josué 3:6

Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Josué 6:13

Uca pakallko sacerdotenacasti Diosan arcap nayrakat sarapjjäna pututunac phust'asisa, jupanacan nayrapa nuwasir jakenacajj sarapjjaraquïna, mayninacasti Diosan arcap khepataraqui jutapjjäna, janiraquiw pututunacas amuct'apcänti.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Josué 6:7

Jakenacarusti saraquïnwa: “Jumanacasti marca muytapjjäta, cawquïri jakenacatï nuwasipcan ucanacasti Diosan arcap nayrakataparac sarapjjpan” sasa.

Josué 6:8

Takenis cunjämtï Josué chachajj siscäna uqhamwa lurapjjäna, pakallko sacerdotenacasti pututunacap phust'añ kalltapjjäna, Diosan arcap nayrakat sarasina.

1 Samuel 4:3

Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.