Josué 23:4

Aymar Bibliia 1986

Nayasti sapakat mayni tribunacaruw aca orakenac laquintapjjsma, suertetcama, ucampisa nayajj janiraquiw catuntata orakenacacti laquintapcsma, jan ucasti laquintapjjaracsmaw cawquïri orakenacatï jan catuntatäqui ucanacsa, Jordán jawira inti jalsu toketa, inti jalanta tokerusti Mediterráneo sat jach'a kotacama.

Jak'a apnaqawi uñst'ayäwi

Salmos 105:11

Jupajj sänwa: “Jumaruw Canaán orak churjjäma, jumar wact'ir churäwimjam catuyjjäma” sasa.

Salmos 78:55

Israel marcan nayrakatapatjja, Tatitur jan uñt'ir marcanacarojj ananucünwa; ayllunacaparuw orakenac laquintäna, chhujllanacapan jacayaraquïna.

Éxodo 23:30

Nayajja jupanacarojj juc'at juc'atacwa alisnucuscäjja, jumajja walja mirantasa orake catuntasiñamcama.

Sofonías 3:6

Tatitu Diosajj siwa: “Marcanacap t'unjta, perkanacapan jach'a torrenacapsa pampacharactwa, callenacapsa wasara tucuyaracta, jan mä jakes sarnakañapataqui. ¡Uca sapa jakonucut marcanjja janiraquiwa mä jakes utjcjjeti!

Deuteronomio 12:29

“Cunapachatejj Tatitu Diosajj cawquïri orakenactejj catuntapcäta ucanac t'unjani, ucatsti jumanacajj ucan utjantasipjjäta ucan jacapjjaraquïta,

Josué 13:2

Filisteonacan orakenacapa, uqhamaraqui gesureonacan orakenacapajj uqhampachäsquiwa.

Josué 18:10

Ucatsti Josué chachajj Dios nayrakatan uca orakenacjja israelit jakenacar suertetcam churäna Silo sutini chekana.

Jueces 2:21

Uca laycusti nayajj janiw mayampis jupanac taypitjja alisnucjjäti cawquïr marcanactejj Josueajj janïr jiwcasina jan alisnuccäna ucanacjja” sasa.