Josué 2:12

Aymar Bibliia 1986

ucatwa jichhajj mayipjjsma, Dios nayrakatana juramentompi sawayapjjeta familiajjaru munasiñampi uñjapjjañamataqui, cunjämtï nayajj jumanacat qhuyapayasipjjsma uqhama,

Jak'a apnaqawi uñst'ayäwi

Génesis 21:23

Uca laycu, jichhajj uca Diosam laycu mä juramento lurarapita aca chekana jan cuna ñankhsa nayaru, uqhamarac wawanacajjaru, wawanacajjan wawanacaparusa lurañamataqui. Cunjäma suma chuymampitejj nayajj jumar uñjcsma uqhamrac jumajj aca marcan jaquir jakenacajjampi luräta.

Génesis 24:3

ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Génesis 24:9

Ucatsti sirvirejj Abrahaman lanqhu charap mankharuw amparap uchi, ucatsti cunjämtejj Abrahamajj mayqui uqhamar phokhañataquiw juramento luri.

Génesis 40:14

Cunapachatejj acajj phokhasjjani ucqhasti nayat amtasitätawa, nayjjatsti faraonarojj parlt'araquimaya, aca chekat nayar apsuñapataqui. ¡Nayat qhuyapt'ayasitaya!

2 Crónicas 36:13

Uqhamarusa Nabucodonosor reyitaquiw sayt'asïna, juparusti Dios laycuw juramento lurayäna jupampïñapataqui, ucatsti munañapampejja janiw Israelana Tatit Diosapar cuttañjja muncänti.

Ester (hebreo) 8:6

Nayasti, ¿cunjämaraquï cunancaquiraquï uca jan wali llaquejj marcajj-jjaru niya puriñampïsqui ucqhasti, uqhamaraquiw nayan take familiajjasa tucjatäñataqui amtatächi ucqhajja? —sasa.

Éxodo 12:13

‘Ucampis wilawa mä unanchäni jumanacajj cawquïr utancapcätatejj ucatjja. Nayasti wila uñjasinjja pasawayjjaquïwa, ucatsti janiw maynis jumanacatjja jiwcaniti, cunapachatejj egipcionacaru jiwaraycä ucqhajja.

Jeremías 12:16

Jupanacaw marcajjaru Baal diosataqui juramento lurañsa yatichapjjejja, ucampisa jichhajj marcajj taypinjja utjnokasjjapjjaniwa, sititejj marcajjan Diosaparu yupaychañataqui catokapjjani, sutejjaruraqui jurapjjani sasa: ‘Tatitojj jacasquiwa’ sasa.

Marcos 14:44

Jesusar aljantiri Judasasti, jupanacarojj nayra yatiyanitayna: “Qhitirutï nayajj jamp'att'cä ucawa, juparuw catuntapjjäta. Ucatsti jan antutasaraquiw irpanipjjäta” sasa.

Romanos 1:31

jan amuyt'irinaca, cuntejj arsqui ucar jan phokherinaca, jan qhuyapayasirinaca, jan jake masiparus perdonirinaca, jan munasiñ chuymaniraqui.

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Josué 2:13

jumanacasti munasiñ chuymampiy awquejjaru, taycajjaru, jilanacajjaru, collacanacajjaru uñjarapipjjeta, takeniruraqui jiwañatsa khespiyapjjeta —sasa.

Josué 2:18

Cunapachatï nanacajj aca marcaru mantanipcä ucqhajj jumasti aca wila lazo ventanamatjja warcokanïta, cawquïrimpitejj warcokapquista uca, ucatsti utamarojj take familiam jawsthapïta, awquima, taycama, jilanacama, cullacanacama uqhamarac awquiman familianacapsa.

Josué 2:19

Uta mankhanquirit cawquïritï ankaru mistuni ucasti jupa pachpaw jiwascani, janiw nanacati juchanïpcäjja. Ucatsti cawquïritejj uta mankhancascani ucar jiwayañ munapjjanejja, nanacaw jupatjja arjjatapjjä.

Josué 6:22

Josué chachasti uca pani uñaker sarir jakenacarojj sänwa: “Sarapjjam uca Rahab sat warmin utaparu, ucatsti irpsunipjjam take familiapamp chica, cunjämtï jumanacajj sapcatäta uqhamar phokhasa.”

Josué 9:15

Ucatsti Josué chachajj uca jakenacampejj mä suma amtäwiruw jan nuwasiñatac mantäna, uqhamaraquiw juramentompi uca jakenacarojj jacañanacap perdonäna, take Israel marcan jilïrinacapas uqhamaraqui.

Jueces 1:24

Uñakerinacasti, mä jake marcat mistunipansti sapjjänwa: “Jumatejj marcaru mantaña punco uñacht'ayapjjetäta ucajja nanacajj jumatjja qhuyapt'ayasipjjämawa” sasa.

1 Samuel 30:15

Davidasti saraquïnwa: —¿Uca lunthata jakenacan ucaru irpitasmati? —sasa. Ucat egipcio jakejj saraquïna: —Jumatejj Diosan sutipjjaru juramento lurarapitäta, ucatsti janiraqui uywirejjarusa catuycaraquitäta, ni jiwaycaraquitätasa, ucapachajj nayajj cawqhancapquitejj jupanacajj ucacamaw irpäma —sasa.