Josué 15:2

Aymar Bibliia 1986

Ucsa toketjja jaljaraquïnwa Mar Muerto kotäquis uca aynachatpacha,

Jak'a apnaqawi uñst'ayäwi

Génesis 14:3

Aca khepa pheska reyinacasti Sidim vallenwa ejercitonacapjja tantachapjjäna, cawqhancquitejj jichhajj Mar Muerto sat kotajj ucqhana.

Isaías 11:15

Tatitusti jupanacataquejj Mar Rojo kota chekwa thacjja jist'arani; Eufrates jawirjjaruraquiw amparapjja loktanini, mä jach'a thaywa thayt'ayaniraquini, pakallko lokanacaruraquiw jaljani, ucatsti jan wisqhunacap apsusisaraquiw maqhatapjjani.

Ezequiel 47:18

“Inti jalsu toket korpasti Haurán uqhamaraqui Damasco sisqui uca marcanacatwa sartaniraquini, Tamar sisqui uca marcanaccamaw puriraquini, Mar Muerto sisqui uca jac'ana, Jordán jawiranjamwa sararaquini, ucasti korpat sirviraquini Galaad sisqui uca orakempi Israel orakempita.

Ezequiel 47:8

Ucat saraquitu: “Aca jawirajj inti jalsu tokeruw sarawayi, ucatsti Jordán jawirar puriñcamaw sararaqui, Mar Muerto sat jach'a kotaruw mantjjaraquini. Cunapachatejj ucar purjjani ucapachasti uca kotan umanacapajj mojjsa umaruw tucjjaraquini.

Números 34:3

“Aynacha korpasïwejj Zin sat wasarampiw korpasini, uqhamarac Edom orakenacampi. Inti jalsu toket sarasajj, korpasti kalltaniniw Mar Muerto sat kota aynacha toketa,

Josué 15:1

Cawquïri orakenacatï Judá tribun familianacapar wact'cän ucanacajj Edom oraken korpapcamaw purïna, aynach toketsti Zin sutini wasarcamaraqui.

Josué 15:3

Ucjjarusti aynacharuraquiw sarakäna Acrabim sat khatacama, Zin sutini wasaranjam pasasina, Cades-barnea aynach tokeru, ucatsti Hezrón chekacama sarascaquïnwa, Adar sat chekar maqhatasa, ucata Carca toker muytanisa.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.