Josué 12:7

Aymar Bibliia 1986

Josué chachasti israelitanacampejj aca reyinacaruw atipjäna Jordán jawirat inti jalanta tokenjja, Baal-gad sat chekatpacha, Líbano valletpacha, Halac sat kollucama cawquïri kollunacatï Seir sat chekacam purqui ucqhacama. Josué chachasti uca orakenacjja tunca payan Israel tribunacaruw laquintäna wiñayatac jupanacancañapataqui.

Jak'a apnaqawi uñst'ayäwi

Génesis 14:6

Seir kollunac tokensti horeonacaruraquiw atipjapjjäna, ucatsti Parán sisqui uca pampa tokenacaruw arct'anipjjaraquïna, ucasti wasara tokenquiwa.

Génesis 32:3

Jacobosti mä qhitanacwa Seir sat orakeru qhiti, ucasti Edom tokenquiwa, Esaú jilapar jutascatapa yatiyañataqui,

Génesis 36:20

Seir sat horeo jaken wawanacapajj uca orakenacan jacapcän ucanacajj acanacänwa: Lotán, Sobal, Zibeón, Aná,

Génesis 36:30

Disón, Ezer, Disán ucanacänwa. Acanacänwa horeo jakenacan jilïrinacapajja, sapa familiata, uca Seir sisqui uca tokenacana.

Génesis 36:8

Ucatwa, Esaú chachajj cawquïritejj Edom satäcaraqui ucajj Seir kollu tokenacar jaquiri sarjjäna.

Salmos 135:11

amorreo orakenquir Sehón reyiru; Basán orakenquir Og reyiru, Canaán orakenquir takpach reyinacaru.

Deuteronomio 2:1

“Ucatsti wasara tokeruw sarapjjtan Mar Rojo kota thaquinjama, cunjämtï Tatitu Diosajj sisquistän uqhama, Seir kollunac thiyanjja jaya maranacaraquiw sarnakapjjäyätan.

Deuteronomio 2:4

Aca ewjjanacarac marcarojj churam: “Jumanacasti Esaú chachan wawanacapan orakepanjam pasapjjaraquïta, cawquïrinacatï Seir oraken jacapqui, jupanacasti jumanacan familianacamawa, jumanacarojj ajjsarapjjtamwa, ucampisa wal amuyasipjjam.

Josué 11:17

Cawqhattï Halac sat kollojj Seir chekaru maqhatqui, Baal-gad chekacama, cawqhantï Líbano sat marcan pampanacapajj Hermón sat kollu thiyancqui, take uca orakenaca Josué chachajj catuntasïna reyinacapar jiwarayas cuna.

Josué 11:23

Uqhamaw Josué chachajj takpach orakenaca catuntänjja, cunjämtï Diosajj Moisesaru siscatayna uqhama, ucatsti tunca payan Israelan tribunacaparuw uca orakenac herenciat laquintäna, ucat acsarusti samarañaw uca orakenacanjja utj-jjäna.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 9:1

Cawquïri reyinacatï Jordán jawirat inti jalanta token jacapcäna, uqhamaraqui kollu tokenacana, pampa tokenacana, jach'a Mediterráneo sat kota lacansa, Líbano tokecama; hitita sat reyinaca, amorreonaca, cananeonaca, ferezeonaca, heveonaca, jebuseonaca, ucanacajj yatipjjänwa take cunanacatejj lurascäna ucanaca.