Josué 11:6

Aymar Bibliia 1986

Ucampis Diosajj Josué chacharojj sänwa: “Jan ajjsaramti ni cuna laycusa, nayasti jumarojj arumanthi alwat aca quipca horasaruw juman amparamar catuyäma, jiwarayañamataqui. Ucatsti jumajj caballonacapan cayunacap p'aquiräta, uqhamaraquiw carronacaparus ninampi phichhantäta” sasa.

Jak'a apnaqawi uñst'ayäwi

2 Samuel 8:4

Jupanacatsti Davidajj waranka pakallk patacani caballería soldadonac apakanïna, pä tunca waranka infantería soldadonacampi; uqhamarusa caballonacan cayunacapsti k'alwa p'aquiraniraquïna, pataca caballonacaqui carronacapataqui jilt'ayanjjäna.

2 Reyes 6:16

Eliseosti sänwa: —Jan ajjsaramti, jiwasampïqui ucanacasti juc'ampiwa, jupanacampïqui ucanacata sipana —sasa.

2 Crónicas 20:16

Jumanacasti arumanthiwa alwat nuwantir sarapjjäta. Jupanacasti Sis sat uca amstwa maqhatasinipqui, ucatsti jumanacajj jicjjatapjjätawa Jeruel wasara ucatasi jawira tucuyana.

Salmos 46:10

“Amuct'jjapjjam, nayan Diosätajj uñt'apjjam: Nayajj marcanacat juc'ampïtwa, oraket juc'ampiraquïtwa.”

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Proverbios 20:7

¡Take cunans asquinwa cheka jakejj jacawayi cusisiñanïpjjewa jupan wawanacapajja!

Isaías 30:16

jan ucasti sapjjtawa: “Janicuch sarcañäniti jan ucasti caballjjat jaltjjañäni” sasa. Waliquiwa, uqham jaltjjapjjañamay waquischi. Sapjjaractawa: “Wali jaltir carronacat sarjjapjjañäni” sasa. Waliquiwa, jumanacar arcnakerejj juc'ampi jaltirïniwa.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Ezequiel 39:9

“Israel marcanacan utjirinacasti mistusinjja armanacapjja ninaruw phichhantjjapjjani, take escudonacapsa, arconacapsa, flechanacapsa, jabalina sat armanacapsa, lanzanacapsa, ucatsti jupanacataquejj walja lawanacaw utjaraquini pakallko mara naqhayañataqui.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Nahúm 2:13

Take ch'amani Dios Tatitojj siwa: “Acanctwa juma contra sayt'añataqui; guerrar sarir carronacamsa naqhantayäwa, ucatsti jiwk'eruraquiw tucuyäjja; león kallunacamarus jiwarayäwa; orakeman lunthatasiñajj utjquis ucanacsa tucjaraquïwa, ucatsti jumar yatiyirinacan arunacapajj janiraquiw juc'ampi ist'ascjjaniti” sasa.

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 11:5

Take jupanacaw mä suma arust'äwiru mantapjjäna, ucatsti Meróm sat uma thiyaruw purintapjjäna uca chekat Israel marcaru t'unjañataqui.

Josué 11:7

Ucatsti Josué chachajj take soldadonacapampiw saräna, mä acatjamata Meróm sat uma thiyaru purisina.

Josué 11:9

Josué chachasti Diosan arsutaparjamajj phokhänwa, caballonacan cayunacap p'aquirasa ucatsti ninampiw carronacaparu phichhantaraquïna.

Josué 3:5

Josué chachasti israelit jakenacarojj sänwa: “K'omachasipjjam, Diosasti kharüru alwajj jach'a milagronac jumanac taypin lurani” sasa.

Jueces 20:28

Ucampis israelitanacajj Diosaruw jisct'apjjäna: “¿Waquisispati wastatampi nuwasiña Benjamín sat tribunquir jilanacajjampi, jan ucajj atipjatäjjapjjaquïcha?” sasa. Ucat Diosajj saraquïnwa: “Sarapjjam wastata nuwasiri kharüruwa nayajj atipjayapjjäma” sasa.

Jueces 7:9

Uca arumasti Diosajj, Gedeonarojj saraquïnwa: “Sartasim ucatsti sarakam madianitanacampi nuwasiñataqui, nayasti jichhawa jupanacjja amparanacamaru catuyäma.

1 Samuel 11:9

Ucat uca qhitatanacajj purincatayna ucanacarojj aqham saraqui: —Jichhajj Jabes chekan utjiri jakenacarojj sapjjam, kharüru chica uruw jupanacarojj khespiyatäni —sasa. Qhitatanacasti sarjjasinjja aca arunacjja Jabes sisqui uca chekan utjasir jakenacaruw yatiyapjjäna, ucanquir jakenacasti ucanac ist'asinjja wali cusisipjjäna.