Josué 10:2

Aymar Bibliia 1986

Aca yatïwisti juc'ampi ajjsartayäna, Gabaón marcajj uca urunacanjja wali jach'a marcänwa uqhamarac wali aytat marca, ucatsti jakenacapajj nuwasiñataquejj sinti ch'amanïpjjaraquïnwa uca laycu.

Jak'a apnaqawi uñst'ayäwi

2 Samuel 12:26

Uccañcamasti Joab chachajj amonitanacan Rabá marcaparuw soldadonacapampi nuwantascaraquïna, uca reyin marcapsti niya catuntirjamäscaraquïnwa.

Proverbios 10:24

Cuntï jucharar jakejj wal ajjsarqui ucawa jupjjar juti, ucampis asqui jaketaquisti cunanactï jupajj munqui ucanacaw phokhasiraqui.

Deuteronomio 11:25

Janiraquiw cawquïri marcas jumanac contra sayt'añ puedcaniti. Jumanacan Tatitu Diosamaw uca marcanacar ajjsaraña, qhathatiña uscuntani, cawqha chekanjamtï pasapcäta ucanacanjja, cunjämtï Diosajj arupampi arscänjja uqhamar phokhasa.

Deuteronomio 2:25

Jichha urut ucsarusti nayaw take marcanacaru jumanac nayräjjana ajjsaraña, sustjasiña churä. Cunapachatï jumanacat parlasiri ist'apjjan ucqhajj, jupanacajj wal qhathatipjjani, uqhamarac llaquisipjjanisa’ sasaw Tatitojj säna.

Deuteronomio 28:10

Ucatsti take acapachan marcanacaw uñjapjjani, Diosan sutipajj jumjjan aytatätapa, ucatsti walirac ajjsarapjjätam.

Hebreos 10:27

Jan ucasti taripäwimpi, akquir ninampiquiw suyt'jjestu, Diosajj uñisirinacaparojj uqhamwa t'unjani.

Hebreos 10:31

¡Wali ajjsarcañawa jacquir Diosan amparaparu jalt'añajja!

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 9:24

Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: “Take aca marcanac jumanacar catuyapjjäma ucatsti jumanacajj takpach t'unjapjjäta” sasa.

Josué 9:3

Ucampisa gabaonita jakenacajj sumwa yatipjjäna cunjamtï Josué chachajj lurcatayna Jericó marcampejja uqhamaraqui Hai sat marcampisa ucanacjja,

1 Samuel 27:5

Davidasti Aquis reyerojj saraquïnwa: —Juma jach'a reyitejj nayaru asqui luritäta ucapachajja, nayajj achict'assmawa, aca orakemana cawquïri marcansaya jacañataqui churita. Janiw walïcaspati sirviriman jach'a reyimpi chica jach'a marcana utjañapajja —sasa.