Josué 1:15

Aymar Bibliia 1986

cunapachatï Tatitojj jilanacamaru samaraña churcani ucqhacama, cunjamtï jumanacarojj samarañ churapjjtam uqhama, uqhamaraqui jupanacasa uca oraketa dueñöpjjañapcama, cawquïr oraktejj Diosajj churcani ucata. Ucatsti jumanacajj puedjjapjjätawa orakenacamar cuttanjjaña, Jordán jawirat accataru, cawqharutejj Moisesajj churapjjtam ucqharu, ucat uca orakjja mäpita wiñayataqui catuntasipjjañamataqui.

Jak'a apnaqawi uñst'ayäwi

1 Corintios 12:26

Cuerposan mayawjatejj t'akheschi ucqhajj takpacharaquiw t'akhesi, mayawjatejj suma yäkatächejja, takpacharaquiw cusisipjje.

1 Corintios 13:5

Janiw cuna jan walsa lurquiti, janiraquiw cunsa jupataquiqui munirïquiti, janiw colerasquiti, janiraquiw colerasitapsa imjjäsisquiti.

Gálatas 5:13

Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.

Gálatas 6:2

Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.

Deuteronomio 3:18

“Uca urunjja nayajj yakha ewjja churapjjaraquïyäsmajja: ‘Jumanacan Diosamaw aca orake amparanacamar catuyapjjtam. Ucatsti cawquïri jakenacatï nuwasiñ yatipcta ucanacajj armanacam apjjarusisin israelit jilanacaman nayrap sarapjjam.

Deuteronomio 3:20

Cunapachatï Tatitojj jilanacamar samarañ churcani, cunjämatï jumanacar churapjjsma uqhama, uqhamarac jupanacas Jordán jawirat qhursancqui uca orakenac catuntasjjapjjani, ucapachaw jumanacajj cuttanjjapjjäta, cawquïri oraktï churapcsma ucarojja’ sasa.

Deuteronomio 9:1

“Ist'apjjam israelit jakenaca: Jumanacan Jordán jawira qhurcataru maqhataña horasajj purinjjewa, ucat jumanacat juc'ampi jach'a ch'amani marcanac catuntapjjañamajja, uqhamaraqui jach'a alto perkanacan muyuntat marcanacsa;

Filipenses 2:4

Janiraqui qhitis thakpati jupataquiqui asquïquis ucjja, jan ucasti cunatejj mayninacataqui asquïqui uca thakaracpan.

Josué 1:1

Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Josué 1:14

Warminacamsa, wawanacamsa uqhamaraqui uywanacamsa Jordán jawirat accataru jaytasiwayapjjam, cawqharutï Moisesajj orake churapjjtam uca chekaru, cawquïri jakenacatï ch'amanïpjjta nuwasir sarañataqui ucanacasti armanacam apjjarusisin sarjjarupjjam jilanacamaru yanapt'añataqui,

Josué 1:16

Jupanacasti Josué chacharojj sapjjänwa: —Take cunanactejj jumajj sapquitäta ucanacjja lurapjjäwa, uqhamaraquiw sarapjjä cawqharutï saram sapjjetäta ucarusa.

Josué 22:1

Ucatsti Josué chachajj Rubén, Gad, uqhamaraqui chicat Manasés tribunacaruw jawsäna,