Jonás 3:6

Aymar Bibliia 1986

Cunapachatï Nínive marcan reyiparu uca yatiyäwinacajj purïna ucqhajj, jupajj konuñapat sartasinjja, suma isinacap apsusisinjja, llaqui isimpiw isintasiraquïna, ucatsti khelljjaruw kont'asiraquïna.

Jak'a apnaqawi uñst'ayäwi

1 Reyes 21:27

Cunapachatï Acab reyejj take uca arunaca ist'äna ucqhajja, isipjja ch'iyanokasïnwa, ucatsti chhanqha isinacwa uchasïna, uqhamarac ayunaraquïna. Uca isimpiraquiw iquiraquïna, wali llaquitaw sarnakaraquïna.

Job 2:8

Ucat Job chachajj khella taypiru konuriw sarjjäna, uqhamaraqui ñek'e phuqhu p'aquit jiq'illitampiw jat'isiscäna.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Isaías 15:3

Callenacansti jakejj chhanqha isimpi isthapitcamaquiwa, terraza patanacansa jakejj aykoñat wararipjje. Plazanacansti takeniw jachapjje, jachcäwis tucusipjjaraquiwa.

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 36:13

Micaiasasti yatiyaraquïnwa take cuntejj ist'catayna ucanaca cunapachatejj Baruc chachajj take jakenac nayrakatan uca rollo leet'catayna uca.

Jeremías 36:24

Janiraquiw reyisa, ni uca jach'a jilïrinacasa, uca arunaca ist'asinjja ajjsartapcänti, janiraquiw llaquisitanacapsa uñacht'ayapcänti.

Jeremías 6:26

¡Marcajja, jichhajj chhanqha isinacampi isthapisim t'akhesitam uñacht'ayañ laycu; khellaru sunt'suraquim, luto isinacampi isthapisim, wal jacharaquim, cunapachatejj mä sapa yokall wawajj jiwquis uqhama; jiwasaru t'unjiristi janc'aquiw jutaraquini jiwasanacar t'unjañataqui!

Lamentaciones 2:10

Ucqha suma Sión marcanquiri chuymani jakenacasa amuquiw oraken konurjjapjje, p'ekenacapjjarusti lak'anacwa jach'jjatasipjje, chhanqha isinacampiw isthapisipjjaraqui. Jerusalén marcanquir tawakonacasti orakcamaw p'ekenacapsa alt'asipjjaraqui.

Lamentaciones 3:29

alt'ata chuymampiw orake jamp'att'añaparaqui, inampisa cuna suyt'añasa utjascaspa;

Ezequiel 26:16

Kota tokenquiri reyinacasti trononacapatjja sarakanipjjaniwa, capanacapsa, suma bordata isinacapsa apsusipjjaraquiniwa; qhathatisaraquiw orakeru kont'asipjjani, sapa horasaw qhathatipjjani, jumar uñjasasti wali mayjt'atäpjjaraquiniwa.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Miqueas 1:10

Qhitinacatejj Gat chekan jacapqui ucanacarojj jan acjja yatiyapjjamti; janirac jachapjjamsa. Usunacaman sartatasti Bet-le-afra chekan lak'anacapar korumsupjjam.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Lucas 10:13

“¡Ay, cunaquïcani, Corazín marca! ¡Ay, cunaquïcaraquini jumataquejj, Betsaida marca! Tiro Sidón marcanacana, cuna milagronacatejj jumanac taypin lurasqui ucajj lurasisapänjja, cawquipachaw jupanacajj Diosarojj juchanacapat arrepientisisa cutiquipstapjjasapäna, uqhamarac luto isimp ist'ata, khellampis williquipasipjjaraquisapäna llaquisiñata.