Jonás 2:10

Aymar Bibliia 1986

Ucatsti Tatitojj waquicharaquïnwa chawllajj waña orakeru Jonasar wak'sjjañapataqui.

Jak'a apnaqawi uñst'ayäwi

Génesis 1:11

sänwa: “Orakejj take casta achunac achpan, jathanac churir koranacasa, uqhamarac achu churiri kokanacasa; jathanacapasti uca pachpancaracpan” sasa. Ucatsti uqhampuniw lurasïna.

Génesis 1:14

Diosasti saraquïnwa: “Alajjpachanjja khananacajj utjpan, urumpi arumampi yakhachañataqui, uca khanasti tiemponaca, urunaca, maranaca señälañataquiraquïpan. Uqhamaraqui alajjpachat aca oraker khananiñapataquiraqui” sasa. Ucatsti uqhampuniw lurasïna.

Génesis 1:3

Diosasti sänwa: “Khanajj utjpan” sasa. Ucatsti khanajj ucspachaw utj-jjaraquïna.

Génesis 1:7

Ucatsti uqhampunïnwa. Diosasti mä uma jaljtayirwa luräna, mä chicat umasti aynacharu uchatänwa, mä chicat umasti jaljtayatata alayaru uchataraquïnwa.

Génesis 1:9

Ucatsti Diosajj sänwa: “Alajjpachat aynachancqui uca umanacajj, mayawjar tantacht'aspan, uqhamat wañajj uñstañapataqui” sasa. Ucatsti uqhampuniw lurasïna.

Salmos 105:31

Diosajj arumpiquiw jach'a chhichhillanqhanac apayanïna, Egipto orakpacharuw chhichhillanqhamp phokhantayäna.

Salmos 105:34

Diosajj t'ijut'ijunacan puriniñapataquejj aruc arsüna, jan jact'cay t'ijut'ijunacaw purintäna,

Salmos 22:26

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

Salmos 33:9

Jupajj arupampiquiw take cun utjayi; arsutapampiquiw take cun luraraqui.

Isaías 38:20

Tatituw acancasqui nayar khespiyañataqui. Arpanacas toct'asipjjañäni, k'ochusipjjaraquiñäni, sapüru sarnakäwinacasana, Tatitun templopanjja.”

Isaías 43:11

Naya sapaquïtwa Tatitojja, nayat yakhasti janiw khespiycaspati.”

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Oseas 13:4

Tatitojj siwa: “Naya Tatituwa juman Diosamätjja, Egiptonccäyätasa ucqhatpacha; jan qhitirus Diosamatjja uñt'asimti, jan ucasti nayaruqui, nayaquiraquïtwa juman khespiyirimajja.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 3:1

Tatitojj wasitatwa Jonás chacharojj parläna, saraquïnwa: