Jonás 1:9

Aymar Bibliia 1986

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

Jak'a apnaqawi uñst'ayäwi

Génesis 1:10

Diosasti wañarojj orake sasaw sutichäna, tantachat umanacarusti kota sasaraquiw sutichäna. Diosasti take cunan sumätap uñjasinjja,

Génesis 14:13

Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 39:14

utan uywatanacaruw jawsi, saraquïnwa: —Acajj uñjapjjam; chachajjajj mä hebreo jake acar irpasini, jichhasti jupajj jiwasat burlasiwa. Utaruw mantani, ucat nayampi iquintañ munejja, ucampis nayajj jach'at warartatta,

2 Reyes 17:25

Ucampis uca jakenacana jan Tatitur yupaychapjjatap laycojja, Tatitojj leonanacwa qhitanïna cunapachatï jupanacajj utjnoktapcäna ucqha, ucatjja leonanacajj mä yakhep jakenacarusti jiwayänwa.

2 Reyes 17:28

Ucapachaw jupanacajj preso apanipcäna, ucat maynïri sacerdotewa sarasina Betel chekana utjnokäna, ucatjja Tatituru yupaychañwa yatichäna.

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 5:11

Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Nehemías 9:6

Ucatjja Esdrasajj saraquïnwa: “Jumaquïtawa Tatitojja, uqhamarac janiw yakha Diosajj utjquiti. Jumaraquiw alajjpachsa lurtajja, uqhamarac alajjpachata juc'amp altoncqui ucsa, ucatsti take warawaranacsa; jumaraquiw oraksa lurtajja take cunatejj ucan utjqui ucanacamppachsa, jach'a kotanacsa, uqhamarac cunatejj ucan utjqui take ucanacsa. Jumaw take cunanacarus jacaña churtajja. Ucataracwa alajjpachanquir angelanacas jumar yupaychapjjtamjja.

Job 1:9

Ucjjarusti Supayajj saraquïnwa: —Jupajj janiw inaqui jumaru sirvctamti.

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Éxodo 1:15

Ucatsti Egipto marcanquir reyejja Sifra, uqhamarac Fúa sat partera warminacampiw parläna, cawquïrinacatejj hebreonacan parterapäcäna ucanacampi, jupanacarusti aqham saraquïnwa:

Éxodo 2:13

Khepa alwasti mistcasinjja uñjaraquïnwa pani hebreonacaru nuwasisquiri, ucatsti cawquïritejj sinti maynir nuwjqui ucaruw säna: —¿Cunatsa jumajj masimaru uqham nuwjta? —sasa.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Hechos 27:23

Jichha arumajj mä angelaw uñstitu, Diosan qhitanita. Nayajj uca Diosancaractwa, juparuraquiw sirviracta.

Filipenses 3:5

Nacitajjat quimsakallko uru sarakataruw nayarojj circuncidapjjetu. Israelit jakëtwa, Benjamín castaraquïtwa, nacïwitpach hebreo jake, awquinacajjas hebreoraqui, judionacan leyip yatiñanjja fariseötwa.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 16:11

ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.