Joel 3:4

Aymar Bibliia 1986

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!

Jak'a apnaqawi uñst'ayäwi

2 Crónicas 21:16

Ucatsti Tatitojj wact'ayänwa Joram reyitaqui colerasipjjañapa filisteo jakenaca, uqhamarac Cus sat jac'anquiri árabe jakenacarusa.

Isaías 14:29

Jan cusiscamti filisteo marca, cuna varampitejj mutuyapcäyätam uca varan p'aquisitapatjja, cawqhattejj mä asiru mistcän ucqhatjja mä catariw mistunini, ucat juc'ampisa mä thoktir dragonaw mistunini.

Isaías 34:8

Jïsa, uca urojj Tatitun asut'iñapa urüniwa, phoksusiña mararaquïniwa Sionataquejja.

Isaías 59:18

Tatitojj sapa mayniruw luräwiparjam churani, uñisirinacaparusti mutuyaniwa, jupar uñisirinacarusti waquisitaparjamaw churaraquini, kota toke marcanacan utjirinacarusa.

Jeremías 47:1

Tatitusti aca arunacwa Jeremías profetaru parläna, filisteo jakenac toketa janïra faraonajj Gaza sat marcaru nuwantquipana:

Jeremías 47:4

Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Joel 2:10

Aca orakesti jupanac uñjasajj qhathatiraquiwa, alajjpachas ajjsarañatsa qhathatiraquiwa, intis, phajjsis ch'amact'iwa, warawaranacas janiraquiw sum c'ajcjjeti.

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 11:22

Ucampis nayajj sapjjsmawa, taripäwi urunjja jumanacaw Tironquirit sipansa, Sidonanquirit sipansa jach'a mutuña catokapjjätajja.

Lucas 10:13

“¡Ay, cunaquïcani, Corazín marca! ¡Ay, cunaquïcaraquini jumataquejj, Betsaida marca! Tiro Sidón marcanacana, cuna milagronacatejj jumanac taypin lurasqui ucajj lurasisapänjja, cawquipachaw jupanacajj Diosarojj juchanacapat arrepientisisa cutiquipstapjjasapäna, uqhamarac luto isimp ist'ata, khellampis williquipasipjjaraquisapäna llaquisiñata.

Lucas 10:14

Ucampis jumanacajj taripäwi urunjja juc'amp mutuña catokapjjäta Tiro, Sidón marcanacat sipansa.

Lucas 18:7

Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

Jueces 11:12

Ucjjarusti Jefté chachajj yatiyirinacwa qhitäna amonitanacan reyiparu aqham sasa jisct'iri: “¿Cunasa camachi naya contra sartasina marcajjaru nuwasiri jutañamataquejja?” sasa.