Joel 2:28

Aymar Bibliia 1986

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Jak'a apnaqawi uñst'ayäwi

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Isaías 32:15

Ucampisa Tatitun ch'amapajj wasitatwa ch'amapampi jiwasjjaru jutani, wasarasti suma yapuchasiñ orakeruw tucjjani, yapuchasiñ orakesti juc'ampi suma achuri yapuraquiw tucjjani.

Isaías 40:5

Ucapachaw Tatitojj c'ajquir cancañap uñacht'ayani, take jakenacaraquiw uñjapjjani. Pachpa Tatituw ucjja saraqui.”

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Isaías 49:26

Jumar t'akhesiyirinacarusti pachpa janchip mank'asiyä, wilapampisti vinompjamaraquiw macharapjjani. Uqhamatwa take jakenacajj yatipjjani naya Tatitojj juman khespiyirimätajja, nayätwa Jacobon ch'amanipajja, khespiyirimasa.”

Isaías 49:6

“Janiw Jacobon marcanacap sayt'ayañataquic sirvirejjäctati. ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 54:13

Wawanacamarojj nayaw yatichä; take jupanacataquisti jach'a asqui sumancañaw utjani.

Jeremías 23:25

“Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Ezequiel 36:27

Nayan ajayojjwa jumanacarojj churapjjäma, uqhamata leyinacajjsa, arsutanacajjsa phokhapjjañamataqui,

Ezequiel 37:14

Nayaw jumanacarojj jacañ samanajjampi phust'apjjäma, ucatsti jumanacajj wasitat jactjjapjjäta; pachpa jumanacan orakenacamaruw utt'ayjjapjjaraquïma. Ucapachaw jumanacajj yatipjjäta, naya Tatitun parlatajja, uqhamaraqui uca parlatajjarus phokhatajja. Naya Tatituw ucjja arsta.’ ”

Ezequiel 39:29

Janiw jichhajj mayampsa jupanacataquejj maysa uñtcjjäti, Israel marcjjaru ch'amajj churanjjta uca laycu. Naya Tatituw ucjja arsta.”

Daniel (hebreo) 7:1

Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Lucas 1:67

Zacarías awquipasti Kollan Ajayun phokt'atäsinjja, cuntejj Diosajj jupan arsuñapatac churcatayna uca arunac jupajj arsu aqham sasa:

Lucas 3:6

Ucatsti take orakpacharaquiw Diosajj churqui uca khespiyasiñ uñjapjjani” sasa.

Juan 7:39

Ucampejj Jesusajj sañwa munäna, qhitinacatejj iyawsapcani ucanacajja Kollan Ajayu catokapjjani. Janïraw Kollan Ajayojj jutcataynati, Jesusajj janïra alajjpachar aptatätap laycu.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Hechos 21:9

Felipesti pusi tawak phuchanacanïnwa. Jupanacasti Diosan arunacap parlirïpjjaraquïnwa.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

1 Samuel 19:20

jakenacapwa qhitäna juparu catuntañataqui. Purisinsti, Saúl reyin qhitata jakenacapajj mä tama profetanacaruw profecía arunaca arsusipquiri uñjapjjäna, ucanacasti Samuelon irpataraquïnwa. Acatjamata janc'aquiw Diosan ajayupajj uca Saúl reyin qhitata jakenacaparu catuntäna. Jupanacasti profetanacjamaraquiw parlapjjäna.

1 Samuel 19:21

Saúl reyisti ucanac yatisinjja, yakha jakenacampwa qhitäna, jupanacasti cunarutejj nayrïri qhitanacajj purcatayna ucaruraquiquiw puripjjataynajja, profetanacjama parlasaraquiqui. Quimsïri cutimpi Saúl reyejj jakenacarojj qhitascaquïnwa, jupanacarusti cunatejj mayninacampi lurascataynajja, ucaraquiquiw lurasïna.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.