Joel 2:2

Aymar Bibliia 1986

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Jak'a apnaqawi uñst'ayäwi

Salmos 10:6

Janis qhitis tincuycaspajj uqham amuyasi, janis cunapachas jan walt'añanacar purcaspajj uqham amuyasiraqui.

Salmos 97:2

Jupajj ch'amac kenayanacamp muyuntatawa, chekapar uñjañampi, asqui cancañampiw reyi konuñaparojj ch'amañchi,

Éxodo 10:14

Uca t'ijut'ijunacajja Egipto orakpacharu wali phokhantasawa take mank'süna. Uqhamasti janiw nayrajj utjiricänti, ni uca khepatsa utjcänti, walja t'ijut'ijunacajja uca urunacjamajja.

Éxodo 10:6

Ucatsti phokhantapjjaraquiniwa palacionacamaru, sirvirinacaman utanacaparu, uqhamarac take jakenacaman utanacaparusa. Uqhämsti janiw cunapachas uñjapjjerïcänti awquinacamajja, ni achachilanacamasa jacapqui uca uruta jichhürcamajja” —sasa. Faraonar uqham sasinsti Moisesajj janc'aquiw cutstawayjjäna.

Éxodo 20:21

Ucampis israelitanacajj cawqhancapcäntejj ucqhatjja janiw onjjtapcänti. Uccañcamasti Moisesajj cawqhanccäntejj Diosajj uca ch'amac kenayarojj jac'achascaquïnwa.

Isaías 5:30

Uca marcasti, cunapachatejj arsut urojj purincan uca urojj jach'a kotar uñtataw khothutini Israel marcataquejja, qhititejj orak uñch'uccani ucasti orakerojj kenayampi ch'amacrantayata, ch'iyara ch'amaca kenayanacampi muyuntata uñjaraquini.

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jeremías 13:6

Walja pachanac pasjjepansti, Tatitojj saraquituwa: “Eufrates jawiraru saram, ucatsti cawquïri cinturontejj imantayancsma uca aptanjjam” sasa.

Lamentaciones 1:12

Jumanaca, thaqui saririnacasti amuyapjjaraquimaya, ¡nayan t'akhesitaj-jjamajj utjpachati, nayarojj acatake t'akhesiyjjetu! ¡Tatituw nayarojj aca t'akhesiñ apayanitu, colerasiñapa nayataqui sartayasitap laycu!

Ezequiel 32:7

Cunapachatejj nayajj jumaru t'unjcäma ucapachasti alajjpachas ch'amact'aniwa, warawaranacas janiw khancjjapjjaniti, intirusa kenayanacampiw chhaktayaraquëjja, phajjsisa janiraquiw juc'ampi khancjjaniti.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 38:9

Jumasti mä ch'amaca kenayjamaw jupanacjjarojj purïta, uca marcarusti k'alwa chhaktayaraquïta, mä jach'a thayäcasmas uqhamaw uca marcarojj ejercitonacamampi nuwantaraquïta, uqhamaraqui walja yakha marcanacamampisa.

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Daniel (hebreo) 9:12

Jumasti, nanacjjaru aca jach'a jan walt'äwi apayanisajja, cuna ajjsarañanactejj nanacaru churapquista ucjja phoktawa, uqhamaraqui qhitinacatejj marca apnakapqui ucanacampisa; aca orakensti janipuniw utjcänti mä mutuyäwejja cawquïri mutuyäwtejj jumajj nanacjjaru apayanipquista uqhamajja.

Joel 1:6

T'ijut'ijunacasti mä walja ch'aman ejercitor uñtataw wali ari lacanacani leonanacar uñtata marcajjaru t'unjañataqui muyunti.

Joel 2:25

“T'ijut'ijunac jumanac contra qhitancta ejercitor uñtata jumanacar tucjañataqui uca maranacatjja, nayaw cuttayjjapjjäma.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 2:5

kollunacan jalnakatapaw ist'asi guerrar sarir carronacjamawa, waña laphinacajj ninan naqhantatajj t'akarejja uqhamäpjjaraquiwa. Mä ch'amani ejercitjamäpjjewa nuwt'asiñataqui formt'asitäpcaspas uqhama.

Joel 3:4

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!

Amós 4:13

Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Zacarías 14:6

Uca urojja janiw thayasa juyphisa utjcaniti.

Mateo 24:21

Ucürunacanjja walja t'akhesiñanacaw utjaraquini. Uqham t'akhesiñsti janiw jichhürcamajj qhitis uñjquiti aca orake lurasqui ucürutpacha, ni uca pasatats utjcaraquiniti.

Marcos 13:19

Ucürunacajj sinti t'akhesiñ urunacäniwa. Uqham t'akhesiñanacajj janiw utjcänti Diosajj acapach lurcäna ucqhat jichhürcamajja, janiraquiw cunapachas uqhamanacajj utjcaraquiniti.

Deuteronomio 32:7

“Uñtam khepa tokeru, amuythapisiraquim nayra maranacatsa; awquimarus mayiraquim ucat parlañapataqui, uqhamaraqui jilïri jakenacampi parlayasim:

Hebreos 12:18

Jumanacajj janiw jac'achasipctati israelitanacjama qhaya kolluru llamct'añjamäcän ucarojja, ucanjja ninaraquiw akäna, lajja ch'amacanacan jach'a thayampi cuna;

Judas 1:13

Kota mathapinacjamaw p'enkascañ luräwinacapjja jopokor uñtat waranucupjje; saranucusin chhakat warawaranacjamäpjjewa, wiñayan wiñayapataqui ch'iyar ch'amacanacar apanucutäpjjaraquiwa.

Apocalipsis 9:2

Ucatsti uca ch'amac mankha jist'aräna, uca ch'amac mankhatjja mä jek'ew mistüna mä jach'a hornotjama. Uca jek'esti intsa alajjpachsa k'al ch'amact'ayäna.