Joel 2:17

Aymar Bibliia 1986

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: ‘Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ¿Cawquincarac Diosapasti?’ sasa.”

Jak'a apnaqawi uñst'ayäwi

1 Reyes 6:3

Templo nayräjjana uca mantañ puncusti largorojja llätunca metronïnwa, templojj anchorojj kawcch'äcäntejj uqhamaraqui, templo nayräjjasti anchorojja pusi metro chicatanïnwa.

1 Reyes 9:7

nayasti Israel marcarojj apakäwa orake churcta ucatjja, uca k'omachata templorusa nayan nayrakatajjatjja apanucüwa, uqhamarac Israel marcajja, yakha marcanacataquisa sapa cuti larusiñataquïniwa.

2 Crónicas 7:20

jumanacarojj apsupjjämaw cawquïr oraktejj jumanacaru churapcsma ucatjja, uqhamarac nayan nayrakatajjatsa apanucuraquïwa cawquïr templotejj nayajj yakhachascta ucjja, ucatsti aca chekjja sapa cuti larusitäñataquiw tucuyä take marcanac taypina.

2 Crónicas 8:12

Salomonasti take naqhatanac loktäna Tatitun altarapana, jupajj templo mantañawja nayräjjaru altara luraycäna ucqhana,

Nehemías 9:36

“Jichhajj uñtanipjjeta, nanacajj esclavo tucuyatäpjjtwa, cawquïr oraktejj nayra awquinacajjaru churcta, achunacapata, utjirinacapata mank'asipjjañapataqui ucana.

Salmos 115:2

¿Cunatarac ñankha lurir jakenacast jisqhisipquitani: “Cawquincarac Diosamasti” sasasti?

Salmos 42:10

Timanacajjan sawcasitanacapatjja, ch'aqhanacajjamppachaw usutu, urpachaw sapa cut jisqhipjjetu: “¿Cawquincarac Diosamasti?” sasa.

Salmos 42:11

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Salmos 42:3

Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.

Salmos 42:4

Ucanacjjat amthapisisasti, jan chuymachcayaw wararta: Diosan utapar jakenacar irpatajjat amtasta, k'ochunacampi, yuspagarañanacampi. ¡Qhä urunacajj cusiscañ urunacänwa!

Salmos 74:10

Diosajjay, ¿cunapachcamarac nanacar uñisirinacast t'akhesiyapjjetanisti? ¿Cunapachcamarac sutim jisc'achapjjanisti?

Salmos 79:10

¿Cunatarac jucharar jakenacast sasipcani: “Cawquincarac Diosapasti?” sasa. Nanacan uñjcañay Diosar jan uñt'irinacajj mutupjjpan, uywatanacamar jiwayapjjatapat t'akhesipjjaracpan.

Salmos 79:4

Nanac jac'an utjir marcanacan larusiñapäpjjtwa; nanacar muyuntirinacan sawcasiñapäpjjaractwa.

Salmos 89:41

Take jakew uca chek saraquipasajj lunthatji; uta jac'a masinacapasti jupat sawcasipjje.

Salmos 89:51

Tatay, timasirinacamajj uqham t'akhesiyapjjetu, ajllitamarojj uqham sapa chellktan jisc'achapjje.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 37:20

Jichhajja, nanacan Dios Tatitojja, munañapatjja khespiyapjjetaya, uqhamat take marcanacajj yatipjjañapataqui chekpachansa Tata, juma sapa Diosaqui utjatama” sasa.

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Ezequiel 8:16

Ucatsti Tatitun templopanquiri mankha uta ankäjjaruw irparaquitu, cawqhatejj Tatitun utapar mantañäqui uca chekaru, altara taypïquis uca chekaru, ucansti pä tunca pheskani jakenaca uñjaracta, santuariotjja khepa tokeru uñtata, inti jalsu tokeru uñtasina alt'ata, intiruwa yupaychasipcaraquïna.

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Joel 1:13

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 1:9

uqhamaraquiw sacerdotenacajj jachapjje templonjja jan vinos ni trigos Tatitur loktañataqui utjatap laycu.

Amós 7:2

Cunapachatï t'ijut'ijunacajj tucuya koramppacha mank'antjjäna ucapachajj sistwa: “¡Dios Tatitu perdonapjjeta! ¿Cunjämaraqui Jacob marcamasti take acanacampi mutuspasti? Jupajj wali jisc'aquïchejjaya” sasa.

Amós 7:5

Ucatsti mayiractwa: “Ucqhacamaqui Tatay. ¿Cunjämaraqui Jacob marcamasti take acanacampi mutuspasti? Jupajj jisc'aquïchejjaya” sasa.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: —¿Cawquincaraqui Tatit Diosamasti? —sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Malaquías 1:9

Jumanacasti jichhajj Diosaruy mayisipjjam jiwasat qhuyapt'ayasiñapataqui. Ucampis jumanacatï uqhama jan wali ofrendanaca churasipcäta ucqhajj jan amuyapjjamti Diosan uca ofrendanac suma chuymampi catokatapa.

Números 25:6

Ucampisa mä israelita jakejj utaparuw mä madianita warmirojj irpasïna, Moisesan uñjcata uqhamarac take israelitanacan uñjcata, ucañcamasti jupanacajj jachasipcänwa Tatitumpi Jiquisiñ Carpa mantañana.

Mateo 23:35

Uca laycupï take suma jakenacan jiwayatäpqui ucanacajj jumanacjjancanejja, Abel sat asqui jaket kalltasina, Berequiasan Zacarías sat yokapcama, qhitirutejj jumanacajj Diosan templopan jiwayapctas uca.

Mateo 27:43

Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: “Diosan Yokapätwa” saraquisä —sasa.

Deuteronomio 28:37

Ucatsti ajjtasita, p'enkachata, jaken parlasitaw take cawqha chekarutejj Diosajj irpcätam ucanacanjja sarnakäta.

Deuteronomio 32:27

Ucampis janiw enemigon phiscasitanacap inaqui uñjañ puedcäyätti, janiraquiw uñisirinacajjan jach'a jach'a tucuñapsa muncäyätti, ni aqham sañanacapsa: Janiw Diosati acanac lurqui; jan ucasti jiwasaw ch'amasampi lurtan’ sasa.

Josué 7:9

Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.