Joel 2:11

Aymar Bibliia 1986

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Jak'a apnaqawi uñst'ayäwi

Salmos 18:14

Mich'inacap flecht'asaw jakenacarojj tutuquiyäna, jan amuct'ir khejjokhejjonacapasti jupanacarojj lokheptayänwa.

Salmos 46:6

Marcanacajj ojjopjjewa, reyinacajj qhathatipjjewa, orakejj qhathatiwa, ch'aman arup ist'asiyqui ucapachajja.

Salmos 68:18

Diosay, alajjpacharuw maqhattajja, catuntat jakenac anaquisa; churäwir uñtat jakenac catokastajja. Tatay, jumar kallcatir jakenacamppachaw jumar maqhatjjapjjtamjja.

Isaías 13:4

Kollunacansti walja jakenacan arnakasitanacapaw ist'asi. Marcanacan khothutitanacapas ist'asiraquiwa, cawquïri marcanacatejj tantacht'asqui ucanacana. Take ch'amani Tatitusti jupanacarojj uñaquiparaquiwa, qhitinacatejj nuwantasiñataqui janc'aquïpqui ucanacaru.

Isaías 42:13

Tatitusti mä atipjirjamaw mistuni, take ch'amampiraquiw nuwasiraquini mä nuwasir jakjama; art'asiniwa, ucatsti nuwasipjjam saraquiniwa, uñisirinacaparusti atipjaraquiniwa.

Isaías 7:18

Uca pachanacansti chhichhillanqhanacar uñtatwa Tatitojj jutayani, qhitinacatejj Egipto token jaya jawiranacan jacapqui ucanacaru, Asirian utjirinacarusti wayronkonacar uñtatwa jutayaraquini.

Jeremías 25:30

“Jumasti Jeremías, take acanacjja nayan sutejj-jjaru yatiyascaquim, jupanacarusti saraquim: ‘Tatitojj jach'a arupampiw arsu, alajjpachatpacha, cawqhantejj jacqui uca kollan utjäwipatpacha. Tamapataquisti cunjämatejj uva ch'irwirinacajj arnakasipjjejj uqhamaraquiw arnakasi, take jakenac tokjja.

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 50:34

Ucampisa khespiyiripajj ch'amaniwa, sutipasti “Take Ch'amani Tatitu” sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Ezequiel 22:14

Cunapachatejj nayajj jumaru wayt'cäma ucapachajj jan lup'imti naya toke sayt'asiñjja. Naya Tatituw ucjja arsta, arsutajj-jjarusti phokharaquïwa.

Joel 1:15

¡Ay cunaquïcani, Tatitun urupajj jac'achasinjjewa! ¡Ajjsarcañ uruwa, take ch'amani Diosasti t'unjatäñaswa apaniraqui!

Joel 1:6

T'ijut'ijunacasti mä walja ch'aman ejercitor uñtataw wali ari lacanacani leonanacar uñtata marcajjaru t'unjañataqui muyunti.

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Joel 2:25

“T'ijut'ijunac jumanac contra qhitancta ejercitor uñtata jumanacar tucjañataqui uca maranacatjja, nayaw cuttayjjapjjäma.

Joel 2:31

Intejj ch'amact'aniwa, phajjsis wilaw tucuraquini, janïra Tatitun urupajj purincan ucqhajja, uca urusti jach'a urüniwa, ajjsarcañaraqui.

Joel 3:14

Walja jakenacaw Decisión sat vallenjja tantacht'ata, Tatitun urupasti jac'ancaraquiwa,

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Amós 1:2

Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Amós 5:18

¡Ay cunaquïcani Tatitun urupan puriniñap munapqui ucanacataquejja! ¿Yatipjjtati cunjämäcanitï uca urojj jumanacataqui ucjja? Uca urojj ch'amacäniwa, janiw khanäcaniti.

Amós 5:20

Jïsa, Tatitun urupajj ch'amacäniwa, janiw khanäcaniti; lajja ch'amacapunïniwa, janiw acch'a khanas utjcaniti.

Abdías 1:15

Uca pachpa mayninacar lurctasa ucaraquiw jumarojj luratäni; ¡Jichhajj luratamatjamwa catokäta! “Take marcanacataquisti Tatitun urupajj niya jac'ancjjewa,

Nahúm 1:6

¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Malaquías 3:2

Ucampis ¿qhitis uca jutäwip urupanjja take ch'amampi sayt'aspa? ¿Qhitiraqui pachpa cayupampi sayt'asispa? Mä ninjamaw jupajj jutani suma k'omachañataqui, uqhamaraqui mä jabonar uñtata k'añunac jiwasan chuymasata jarekañataqui.

Números 24:23

Ucjjarusti mayampiw aca arunaca arsüna: “¡Ay! ¿Qhitis jacani cunapachatejj Diosajj take acanac lurascani ucqhajja?

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Apocalipsis 18:8

Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”

Apocalipsis 6:17

Jach'a t'akhesiñ urojj purinjjewa, ¿qhitirac jichhasti sayt'asispa?”