Joel 1:2

Aymar Bibliia 1986

“Sum ist'apjjam aca arunaca, jilïri jakenaca, uqhamarac jumanacasa, aca marcan utjir jakenaca. ¿Jumanacajj uñjapjjëritati cuntejj jichhajj uñjapcta ucjja? ¿Take acanacajj janit awquinacaman urunacapanjja uñjasirïcänjja?

Jak'a apnaqawi uñst'ayäwi

Job 12:12

Chuymani jakenacajj suma yatiñanïpjjewa, walja maranaca jacataw jupanacarojj uca yatiñ cancaña churi.

Job 15:10

¡Nanacajj jilïri jakenacäjjapjjtwa, awquimat sipansa juc'ampi yatiñanïpjjaractwa!

Job 21:7

¿Cunatraqui ñankha jakenacasti jacasipcaquisti, ucasti chuymani tokerojja wali ch'amaniquïsipcaraquisti?

Job 8:8

“Nayra jakenacar jisct'asim, nayra jakenacan sarnakäwinacapat yatekaraquim.

Salmos 49:1

Takpach marcanaca, aca arunac ist'apjjam, acapachan jaquirinaca, sum ist'apjjam:

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Isaías 7:17

“Tatituw jumjjarojj jutayani, marcamjjaru, reyin utapjjarusa, cawquïri urunacatejj jan jutcäna uca urunaca, Efrainajj Judá marcatjja yakhaktcäna uca urunacatpacha.” (Acajj Asirian reyiparuw sañ muni).

Jeremías 30:7

¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 5:21

‘Aca arunac ist'am, jan amuyt'an marca, nayranïsquiwa, ucampis janiw uñjquiti, jinchunïscaraqui, ucampis janiw ist'quiti.

Daniel (hebreo) 12:1

“Ucapachaw Miguel angelajj uñstaniraquini, cawquïri jach'a arjjatasiri angelatejj marcamarojj arjjatqui uca: “Ucasti mä llaquisiña horasäniwa, uca horasjamasti janipuniw cunapachas utjcänti, cunapachattejj marcanacajj uñsti ucat acsarojja. Cunapachatejj uca horasajj purinini ucapachasti, marcamanquirinacajja takeniw khespipjjani, cawquïrinacantejj sutinacapajj libron kellkatäqui ucanacajja.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Amós 3:1

Israelitanaca, ist'apjjam cuntejj Tatitojj Egipto marcat irpsunqui uca familianacar sisqui uca arunaca:

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 5:1

Ist'apjjetay arunacajja israelitanaca; cuna llaquisiñtejj jumanac contra arsctjja ucanaca:

Miqueas 1:2

“Take marcanaca, ist'apjjam acanaca; take aca marcpachan utjir jakenaca, sum ist'apjjam: Tatitojj kollana templopatpachwa jumanacataqui arsuni.

Miqueas 3:1

“Ist'apjjam jichhajj Israel marcan gobernantenacapa, uqhamarac jilïrinacapa, jumanacajjaya cuntejj chekäqui, asquïcaraqui ucjja yatipjjañamächejja.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Mateo 13:9

Jumanacatejj ist'añ munapjjstajja, ¡ist'apjjam!”

Mateo 24:21

Ucürunacanjja walja t'akhesiñanacaw utjaraquini. Uqham t'akhesiñsti janiw jichhürcamajj qhitis uñjquiti aca orake lurasqui ucürutpacha, ni uca pasatats utjcaraquiniti.

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.”