Joel 1:14

Aymar Bibliia 1986

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Jak'a apnaqawi uñst'ayäwi

2 Reyes 10:20

ucatwa säna: yatiyapjjañapataqui Baal diosataqui jach'a fiesta lurayaña, ucasti uqhamawa lurasïna.

2 Crónicas 20:13

Judá orakenquir take jakenacawa Tatitun nayrakatapancapjjäna, uqhamarac warminacapasa, wawanacapasa, jisc'a wawanacapasa.

Nehemías 8:18

Uca fiestjja lurapjjänwa pakallk uru, nayrïr uruta kalltasina khepa urucama, Esdrasasti sapüruwa librota Diosan leyipa leet'erïna; ucatsti quimsakallkör urunsti mä jach'a asqui tantachasïwiwa utjäna, cunjämtï lurañäcäna uqhama.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Jeremías 14:2

“Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Jeremías 36:9

Joacim chachan Josías yokapajj Judá orakena pheska mara reyïcän ucapachaw, llätunquïri phajjsinjja mä amtäwejj misturaquïna take qhitinacatejj Jerusalén marcan jacapqui, uqhamaraqui Judá orakena marcanacapata jutapqui ucanacajj ayunapjjañapataqui Tatitu nayrakatana.

Joel 1:2

“Sum ist'apjjam aca arunaca, jilïri jakenaca, uqhamarac jumanacasa, aca marcan utjir jakenaca. ¿Jumanacajj uñjapjjëritati cuntejj jichhajj uñjapcta ucjja? ¿Take acanacajj janit awquinacaman urunacapanjja uñjasirïcänjja?

Levítico 23:36

Uca pakallko urunacasti ofrendanacwa Tatituru loktasa naqhayapjjaraquïta, ucat quimsakallko ururusti mä suma kollana tantachasïwi lurapjjaraquïta, uqhamarac Tatitutaquisti mä loktäwi nact'ayapjjaraquïta. Uca urusti kollana tantachasïwi uruwa, janipuniw uca urojj ni cuna casta irnakañsa lurapjjätati.

Jonás 3:5

Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Jonás 3:8

Ucatsipana, takenis chhanqha isinacampi isintasipjjpan, take ch'amapampi Diosat art'asipjjpan, sapa maynirac jan wali sarnakäwipjja jaytjjapjjpan, jan walinac luras sarnakcchi ucanacasa.

Sofonías 2:1

“Jumanacasti, mayaruqui tantacht'asipjjam jan p'enkan jakenaca.