Joel 1:13

Aymar Bibliia 1986

Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Jak'a apnaqawi uñst'ayäwi

2 Samuel 12:16

Ucapachaw Davidajj Diosarojj wali achict'asïna, ayunasina orakeru iquisina.

1 Reyes 21:27

Cunapachatï Acab reyejj take uca arunaca ist'äna ucqhajja, isipjja ch'iyanokasïnwa, ucatsti chhanqha isinacwa uchasïna, uqhamarac ayunaraquïna. Uca isimpiraquiw iquiraquïna, wali llaquitaw sarnakaraquïna.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 61:6

Jumanacarusti: “Tatitun sacerdotenacapa” sasaw sutichapjjaraquïtam, Diosan sirvirinacapa sasaraqui. Yakha marcanacanquir kamir cancañanacapampiw cusisipjjaraquïta, uca c'ajquir cancañanacapampiw c'achachasipjjaraquïta.

Jeremías 4:8

Uca laycu jichhajj chhanqha isinacampi isthapisipjjam, jachapjjam, aykopjjaraquim usuyasiñatsa, Tatitun nacquiri colerasiñapasti janiw jiwasatjja jithektquiti” sasa.

Jeremías 9:10

“Jachapjjam, aykopjjaraquim kollunacatjja, suma ch'ojjña orakenacatsti jachasisa k'ochupjjam, ucanacasti k'ala naqhantatäjjiwa, janiraquiw qhitis uca cheka pascjjeti, janiraquiw uywanacan wararitapas ist'ascjjeti, jamach'inacasa, monte animalanacasa jayaruw sarjjapjjatayna.

Ezequiel 21:12

Jumasti chacha, ¡arnakasim, warariraquim, ucasti marcajjar jiwarayañataqui uchatawa, Israel marcan take marca apnakerinacaparu! Jupanacasti marcajjampi chica jiwarañataqui juchañchatäpjjewa, jichhajj uca aykoñat lek'esim.

Ezequiel 27:31

Juma laycojj p'eke ñic'utanacapsa mururasipjjaniwa, luto isinacampiw isthapisipjjani, chuyma cawcst'ataw jachapjjaraquini.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Oseas 9:5

¿Cuns jumanacajj lurapjjäta jach'a fiesta urunjja, Tatitun jach'a fiesta urupanjja?

Joel 2:12

“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.

Joel 2:14

Inas amtasjjaracchini jumanacar jan mutuyaña, ucatsipana bendicionanac apayanipjjchïtam, trigo uqhamarac vino Tatit Diosar ofrendanaca churañataqui.

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: ‘Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ¿Cawquincarac Diosapasti?’ sasa.”

Números 28:14

Vino ofrendasti pä litröniwa sapakat vaca kallutjja, mä litro chicaniraqui sapakat orko ovejatjja, uqhamarac mä litro sapakat mä marani oveja kallutjja. Take aca nact'ayat ofrendanac loktapjjäta, sapa phajjsina, marpachanjja.

Números 28:4

Mä ovejasti alwataw sacrificion loktasini, mayasti jayp'ururaqui.

Números 28:7

Vino ofrendatsti sapa ovejatjja mä litro churapjjäta. Aca vinosti santuarionwa waratatasini, Tatitu Diosan jach'a cancañaparu.

Números 29:6

ucjjarusti sapa phajjsi nact'ayat ofrenda, uqhamaraqui sapüru nact'ayat ofrenda loktasqui ucanacamp chicajj, grano achunacata, vinota, ofrendanaca loktapjjäta, cunjämtejj Diosajj siscatayna ucarjama. Mä suma k'apquir nact'ayat ofrendäniwa Tatitutaquejja.

1 Corintios 4:1

Uqhamasti jumanacajj nanacarojj Criston yanapirinacapäpquiristsa uqhamacwa catokapjjañamajja, Diosan jan amuyt'caya amtäwinacapa jumanacar yatichañataqui.

1 Corintios 9:13

Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.

2 Corintios 11:23

¿Criston sirvirinacapäpjjeti? Nayajj jupanacatsa juc'ampïtwa. Acanac parlasajj inas mä lokhe jakjama parlsta. Jupanacat sipansa juc'ampwa irnaktjja, uqhamarac jupanacat sipansa juc'ampi jawk'jataw uñjastjja. Walja cutiw carcelar llaventapjjetu, walja cutiraquiw jiwañatsa khesptjja.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 6:4

Ucat sipansti takenirus uñacht'ayañ munapjjta chekpachansa nanacajj Diosar sirvirinacäpjjatajja, wali llamp'u chuymampiw t'akhesipjjta, pist'ayasiñanacansa, jan walt'añanacansa.

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”