Jeremías 9:3

Aymar Bibliia 1986

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Jak'a apnaqawi uñst'ayäwi

Génesis 39:16

Ucatsti jupajj Josean isipjja imantjjänwa, chachapan utar puriniñapcama.

Proverbios 12:5

Asqui jakenacan amtäwipajj cheka lurañawa, ucampis ñankha lurir jakenacan amtäwipajja ñankha lurañaquiwa.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Isaías 9:18

Ñankha lurañasti jupanacarojj jisc'a jisc'wa tucji, cunjämatejj mä ninajj t'unanaca, ch'aphinacsa naqhantquejj uqhama, ucjjarusti kokanaca, ch'uminaca naqhantqui uqhama, ucatsti tutuca thayaw jek'empi chica chhaktayatäpjje.

Jeremías 12:6

Pachpa jilanacamawa, cawquïrinacatejj familianacamäqui ucanacaw jumataquejj sartapjje, khepäjjamatsti jan wali arunacampiw arnakanipjjaractam. Jupanacarusti janipun alcatasimti, suma arunacampi parlapcchïtam ucasa.

Jeremías 22:16

T'akhesiyatanacarusa, pobrenacarusa arjjataraquïnwa, jupanacarus chekaparuw uñjänjja, ucatwa jupajj sum sarnakänjja. Uqham lurañampiw nayar uñt'aña satajja. Naya Tatituw ucjja arsta.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 5:4

Nayasti saractwa: “Pobrenacaquiw pisi chuyma jakenacjam sarnakapjjejja, cunatsa jan amuyt'asipjjpacha cuntejj Tatitojj munqui ucjja, cuntejj Diosapajj sisqui ucjja.

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 6:28

Tata, take jupanacajj wali khorunacäpjjewa; jakjjata parlasiri ñankha jakenacäpjjewa; hierrot sipansa, broncet sipansa sinti ch'ullkhëpjjewa.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Jeremías 9:5

Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa,

Jeremías 9:8

Lajjranacapasti venenoni flechanacjamäpjjewa; c'arinacaraqui parlasipqui. Amigonacaparojj wali suma aruntt'apjje, ucampisa sipitanacacwa khanpachajja uchasipqui.

Ezequiel 8:13

Ucjjarusti sascaquïnwa: “Jichhas acat kheparojj juc'ampi jan walinac lurirwa uñjäta” sasa.

Daniel (hebreo) 11:27

Ucapachasti panpacha reyiw purapat ñankha lurasiña amtäwimpiquipuni pachpa mesaru kont'asipjjani, ucatsti jupanaccamaw c'ari arunacampi c'arintasipjjani, ucampisa janiw maynis amtatanacapjja phokhapcaraquiniti, horasajj janïra purincatap laycu.

Levítico 19:11

“Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.

Marcos 8:38

Maynitejj nayatsa arunacapjjatsa p'enkasinejja aca jucharar jakenacan nayrakatapanjja, Jaken Yokapajj jupatjja p'enkasiraquiniwa cunapachatï Awquipan jach'a cancañapampi, kollan angelanacapampi jutcan ucqhajja.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Hechos 24:9

Ucanquir judionacasti sapjjaraquïnwa: Take ucanacajj chekapunïsquiw, sasa.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 3:13

Jupanacan mallk'anacapajj jist'arpayatawa sepulturar uñtata. Parlatanacapampejj sallkjapjjewa. Catarin venenopjamaraquiw jupanacan lacanacapanjj utji.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

Filipenses 1:28

uñisirinacamampis jan sustjayasisa. Ucasti jupanacataquejj mä khanañchäwiwa chhakañaru sarascatanacapajja, ucampis jumanacataquejj khespiyasiñajj Diosat jutatapa uñacht'ayi.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.

Apocalipsis 12:11

Jupanacasti Corderon jiwatap laycuwa atipjapjje, uqhamarac cuna cheka arunactejj jupjjat parlapcänsa uca laycuraqui. Janiraquiw jiwañsa ajjsarapcänti, jiwañataquisa janc'aquïpjjaraquïnwa.

Jueces 14:17

Ucatsti Sansón chachan warmipajja pakallko urpacha fiestanwa chachap jac'anjja wali jachäna. Uqham sinti jachir uñjasinsti chachapajj juparu qhuyapt'ayasaw uca yatjjatañajj cun sañtejj munqui ucjja yatiyäna. Ucatsti warmipajja janc'aquiw marcanquirinacaparojja yatiyiri saräna.

Jueces 2:10

Uca khepatsti Josué chachampi chica jaquir israelitanacajja takeniraquiw jiwarjjapjjäna; uca khepat nacir israelitanacasti janiw Diosatjja cunsa yatiñjja muncjjapjjänti, ni Israel marcatac jach'a milagronaca luratapatsa amtascjjapjjänti.

1 Samuel 2:12

Elí sacerdoten wawanacapasti jan wali jakenacäpjjänwa, janiraquiw jupanacajj Tatiturojj ajjsarapcänti,