Jeremías 8:14

Aymar Bibliia 1986

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jak'a apnaqawi uñst'ayäwi

2 Samuel 20:6

Ucatwa Davidajj Abisai jakeru saraquïna: —Seba jakejj Absalonat sipansa juc'ampi jan walinacwa luristani. Uqhamasti jumajj jichhajj soldadonacajjan jilïripäyätawa, ucatsti arctam, inampisa jupajj mä jach'a perkanacampi muyuntayata marcanacaru imantasjjaspa, ucat jiwasajj jan catuñ puedcjjsnati —sasa.

Salmos 39:2

Nayasti amutuw tucüyäta; janiw cuns arscäyätti. ¡Janiw asquit cuna parlatajjas utjcänti! T'akhesiñajjasti juc'ampiw jiljjatäna,

Salmos 69:21

Mank'at awtjayascta ucapachajja, mulla churapjjetu, umat pharjayascta ucapachasti, vinagre churapjjetu.

Isaías 47:5

“Amuc kont'asim, Caldea tawako, ch'amacar imantasim, janiw jichhajj mayampsa ‘Marcanacan reinapa’ sasajj siscjjapjjätamti.

Jeremías 14:20

Tata, nanacajj juchanacajj-jja uñt'asipjjtwa, uqhamaraqui nayra awquinacajjan juchanacapsa; juma nayrakatan juchjja lurapjjaracta.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 23:15

Ucatwa, naya, take ch'amani Tatitojj, uca profetanaca tokejj aca arunaca arstjja: Jumanacarojj mä c'allc'u mank'a mank'ayapjjäma; venenot umwa umayapjjaraquïma, Jerusalenanquir profetanacata ñankha lurañajj take marcpacharu akantatap laycu.”

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 35:11

Ucampisa, cunapachatejj Babilonianquiri Nabucodonosor reyejj aca marcaru nuwantiri jutantcän ucapachaw nanacajj caldeonacan uqhamaraqui arameonacan ejercitopat jaltanjjapjjta, ucatsti aca Jerusalén marcaru jaquiriw jutjjapjjaracta; ucatwa aca Jerusalén marcan jacasipctjja” sasa.

Jeremías 9:14

Jan wali chuymanacapan amtatanacaparuquiw arcapjjänjja, ucatsti c'ari diosanacaruw quillt'asipjjaraquïnjja, cunjämtejj awquinacapajj yatichcatayna uqhama.

Jeremías 9:15

Ucatpï naya, take ch'amani Tatitu, Israelan Diosapa, arstjja: Jupanacarojj mä c'allc'u mank'a mank'ayä, venenat uma umayaraquï.

Lamentaciones 3:19

Llaquisitanacajjsa, sapaqui sarnakatanacajjsa, jachatanacajjsa, t'akhesitanacajjsa amtasiractwa;

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: “Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja” —sasa. Aaronasti uca arunaca ist'asajj janiw cunsa siscjjänti.

Amós 6:10

Ajjsarañasti wali jach'apunïniwa, cunapachatï qhitis mayni familiapa waytani jiwataru utat apsjjañataquejja, ucatsti utanquirirojj saraquiniwa: “¿Qhitimpich utjasqui?” sasa. Utanquiristi “Janiwa” saraquiniwa. Nayrïristi saraquiniwa: “¡Amuct'am, Tatitun sutipraqui acatjamat arsuscasma!” sasa.

Habacuc 2:20

Ucampis Dios Tatitojj kollan templopancasquiwa: ¡Jupa nayrakatanjja amuquïpjjam take acapachan jaquir jakenaca!”

Zacarías 2:13

¡Take acapachanquir jakenaca amuct'apjjam Tatitun nayrakatapana, jupasti kollana jacäwipatpachwa jiwasanac taypiru jutasqui!

Mateo 27:34

Ucansti Jesusarojj churapjjänwa vinompi chhajjrtata mä c'allc'u vinagre. Jesusasti uc mallt'asinjja janiw umañ muncänti.

Deuteronomio 29:18

Jan jumanac taypinjja utjcpanti ni chachasa, warmisa, ni familiasa, ni tribusa, Tatitu Diosaru apanucurejja, uca marcanacan yakha diosanacar yupaychasa. Jan jumanacat cawquïrisa mä alin c'allc'u, uqhamaraqui venenoni saphipjamäpati.

Deuteronomio 32:32

Jupanacasti ñusantat uva yapunacäpjjewa, Sodoma, Gomorra, marcanacan wawanacapa, cawquïri uva yapunacatï, c'allc'u venenoni achüpqui ucanaca;