Jeremías 50:2

Aymar Bibliia 1986

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jak'a apnaqawi uñst'ayäwi

Salmos 64:9

Takeniw ucapachajj Diosar jach'añchapjjani, luräwinacapat yatiyapjjani; luratanacap amuyjjapjjaraquini.

Salmos 96:3

Aytat cancañapat marcanacar yatiyapjjam, muspharcañ luräwinacapat take jakenacar parlapjjam:

Salmos 97:7

acapach diosanacar yupaychirinacajj ajjsarthapipjjewa, yakha diosanacat jach'achasirinacas aynacht'apjjewa. Takpach diosanacaw nayrakatapan konkort'asipjje.

Isaías 12:4

ucatsti sapjjaraquïtawa: “Tatitur yuspagarapjjam, jupar art'asipjjaraquim, marcanacarusti yatiyapjjaraquim cuntejj jupajj lurqui ucanaca, amtayapjjaraquim jupajj take cunjjancatapa.

Isaías 13:2

“¡Mä k'ara kollun nuwantasiñataqui! chimpu aptapjjam. ¡Soldadonacarusti nuwantañataqui arsupjjaraquim! ¡Ampar aytapjjam sarantapjjañapataqui jach'a jilïrinacan puncunacap cheka mantasa!

Isaías 21:9

Uñjaractwa mä carro pä caballompi katatita jutasquiri” sasa. Ucatsti mayniw saraqui: “¡Aynacht'jjew, aynacht'jjew Babiloniajja! C'ari diosanacapasti orakercamaw liwirtjjaraqui, jisc'a jisc'a t'unjataraquiw uñjasi” sasa.

Isaías 37:19

diosanacapsa ninaruw naqhantayapjjaraqui, janiw ucanacajj chekpacha diosäpcänti, jan ucasti lawata, kalata lurat diosanacaquïnwa uca laycu. Ucatpï t'unjasipquejja.

Isaías 39:1

Ucapachasti, Babilonianquir Baladán sat jaken Merodac-baladán yokapajja Ezequías reyin usutätapa, uqhamaraqui c'umaraptjjatapa yatisinjja mä qhita qhitanïna cartanacampi wajjt'äwinacampi apayaniraquïna.

Isaías 46:1

Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 48:6

Jumajj take ucanacwa ist'tajja, ucat amuyasim, chekaw sañamajj waquisiraquiwa. Jichhajj machak yatiyäwinac yatiyäma, imantat yänaca cunanactejj jumajj jan yatcayäta ucanaca;

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Jeremías 4:16

“Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Jeremías 4:6

Wiphaljja Sión toker uñtata aytapjjam; ¡imantasiñ chekanac thaktapjjam, jan suyapjjamti! Jichhasti amsta toketwa jach'a t'akhesiñanacampi, tucjatäñampi apayanëjja uca laycu.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Jeremías 50:46

Babilonian tincutapasti jach'at ist'asini, take aca orakpachaw qhathatiraquini, arnakasitapasti yakha marcanacansa ist'asiraquiniwa.”

Jeremías 51:12

¡Babilonia marcan perkanacaparu nuwantañataquisti chimpunaca churapjjaraquim! ¡Guardianacarusti juc'ampi yapjjatapjjaraquim ch'amanïpjjañapataqui! ¡Uñch'uquirinaca uscupjjaraquim! ¡Imantasisin suyjjatapjjaraquim jupan uñisirinacaparojja! Tatitusti, cuntejj Babilonia marcan utjiri jakenacatac amtcatayna, ucat yatiycaraquïna ucanacwa phokhascaraqui.

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 51:31

Yatiyirinacasti mayni mayniwa Babilonianquiri reyiru yatiyirejj sarapjje, marcapajj k'ala catuntatätapata.

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:47

Uqhamapï purininejja Babilonianquiri c'ari diosanacar mutuyañajj urojja. Take aca marcpachaw jisc'achjata uñjasiraquini, jake jiwaratanacampi phokhantataraquïniwa.

Jeremías 51:52

Ucampisa Tatitojj saraquiwa: “Babilonianquiri c'ari diosanacaru mutuyañ urojja jac'achasisinquiwa, take orakepasa usuyasitat wararipjjaraquini.

Jeremías 51:8

Ucampisa acatjamatwa Babiloniajj jisc'a jisc'a t'unjat uñjasi. ¡Jichhajj jupatjam jachapjjam! Kollanac chhojjrinacapataquejj apanipjjam, uñjañäni, inacha kollasini.”

Jeremías 52:31

Judá orakenquiri Joaquín reyejj niya quimsa tunca pakallkoni mara apanucuta uñjascäna, ucapachaw tunca payani phajjsi sarakatarusti, Babilonia marcanjja Evil-merodac sat reyiw apnakaña kalltjjaraquïna, jupasti Joaquín chachatjja qhuyapt'ayasiraquïnwa, ucat carcelat irpsjjaraquïna.

Jeremías 6:18

Ucatpï jichhajj Tatitojj sejja: “Ist'apjjam marcanaca, yatipjjaraquim cunanacatejj marcajjaru pascani ucanacsa.

Daniel (hebreo) 1:2

Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Daniel (hebreo) 3:14

reyejj jupanacarojj jisct'änwa: —¿Chekapunit jumanacajj jani cawquïri diosanacajjarusa yupaychapcta, cuntejj nayajj korit luraycta uca nayrakatarusa quillt'asipcaracta?

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Apocalipsis 18:2

Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!