Jeremías 5:10

Aymar Bibliia 1986

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jak'a apnaqawi uñst'ayäwi

2 Crónicas 12:4

Jupanacasti catuntasipjjänwa Judá oraken nuwasiñatac lurat marcanaca, ucatsti Jerusalencamaw purinipjjäna.

2 Crónicas 36:17

Ucatsti Tatitojj jupanac tokejj jutantayänwa caldeonacan reyiparu, templo pachparuwa waynanacarojja cuchillompi jiwarayäna, janiw qhititsa qhuyapt'ayascänti waynanacatsa, tawakonacatsa, awquinacatsa, cojonacatsa. Takeniruwa Tatitojj amparaparcama catuyäna.

Jeremías 2:21

Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 4:27

Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Jeremías 5:11

¡Israelampi, Judämpejj nayarojj sallkjapjjetuwa! Naya Tatituw ucjja arsta” sasa.

Jeremías 5:18

Tatitusti sascaquiwa: “Uca urunacansti janiraquiw takpacha t'unjcäti.

Jeremías 5:9

¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Ezequiel 12:16

Ucampisa nayaw mä kawkhanirojj guerrat khespiyaniraquï, uqhamaraqui mach'anacatsa, cunayman casta usunacatsa, uqhamat cawquïri marcanacarutejj sarapcani ucanacanjja yatiyapjjañapataqui cuna k'añu luräwinactejj lurapcän take ucanacata, ucatsti yatipjjañapataquiraqui nayan Tatitütajja” sasa.

Ezequiel 14:17

“Nayatejj guerranaca aca marcjjaru apayanirista, uqhamaraqui uywanacana, jakenacana jacañanacapsa apakañataqui arsuraquirista ucapachajj,

Oseas 1:9

Tatitojj Oseasarojj sänwa: “Uca yokall wawarojj Lo-ami sas suticham, jumanacajj janiw nayan marcajjäjjapjjtati, janiraquiw nayas jumanacan Diosamäcjjtti uca laycu.”

Amós 9:8

Tatitojj aca jucharar marcarojj uñch'uquisquiwa, ucatsti saraquiwa: “Aca oraketsti jupanacarojj k'ala chhaktayäjja. Ucampisa Jacobon utapacwa jilt'ayäjja. Ucsti naya Tatituw arsta.

Mateo 22:7

Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui.