Jeremías 42:5

Aymar Bibliia 1986

Uqhamasti jupanacajj Jeremiasarojj sapjjaraquïnwa: —Tatitu Diosamaw chekpacha testigöni nanacataqui janitejj nanacajj cuntejj jupajj siscätam uca arunacaru phokhapcä ucapachajja.

Jak'a apnaqawi uñst'ayäwi

Génesis 31:50

Phuchanacajjarutejj nuwäta, jan ucajj jupanacjjaru yakha warminacampi casarasïta, janis qhitis jumampi nayampi paninitaquejj testigojj utjcani, ucapachajj Dios quipcaw testigöscani —sasa.

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Jeremías 42:20

Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa! Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Jeremías 43:4

Uqhamapï Johanán jakes, jilïri militaranacasa, take marcan jaquirinacapasa janiw Judá orakeru kheparapcänti; uqhamatwa Tatitun arsutapar jan ist'apcänti.

Jeremías 5:2

Yakhepanacajj Tatitun sutipjjaruw juramento lurasipqui, ucampisa uca juramento luratanacapajj inamayawa, c'ariraquiwa.”

Miqueas 1:2

“Take marcanaca, ist'apjjam acanaca; take aca marcpachan utjir jakenaca, sum ist'apjjam: Tatitojj kollana templopatpachwa jumanacataqui arsuni.

Malaquías 2:14

Ucatsti jisct'asisipcactawa: “¿Cunats uqhamäpacha?” sasa. Diosasti uñjaractamwa cuna arunactï warmimampi waynäcasin casarasisajj arscäyäta ucanaca jan phokhatamjja, uca laycu. ¡Jupasti juman warmimänwa, jumasti jupa sapampi jacañataquiquiw arsuraquïyätajja!

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Romanos 1:9

Qhiti Diosarutejj nayajj sirviscta take chuymajjampi Yokapan arunacap khanañchasa ucajja, uñjasquituwa cunjämtejj nayajj jumanacat oracionajjan amtasipjjapunsma ucjja.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 3:14

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Jueces 11:10

Ucjjarusti Galaad chekanquir jilïrinacasti sapjjaraquïnwa: —Diosawa testigosajja nanacasti lurapjjäwa cuntejj arsctajja uqhamarjama —sasa.

1 Samuel 12:5

—Uqhamajj Tatitusa, jupan ajllita reyisa ist'asquiwa, jumanacajj janiw cuna juchsa nayarojj apsupquistati —sasaraquiw Samuelojj khanañchasïna. —Uqhamäscapuniwa —sasaw jupanacajj sapjjaraquïna.

1 Samuel 20:42

Khepjjarusti Jonatanajj Davidarojj sänwa: “Jichhajj sumaqui sarawayjjam, cuna juramenttejja jiwas paninejj amttctan ucajja Tatitun sutipjjaru amtatawa. Uqhamarus mayiraquïyätanwa, jupajj jiwas taypincañapapuni, uqhamarac jumampi nayampi wawanacasan wawanacapataqui.” Ucatsti Davidajj sarjjänwa, Jonatanasti marcaruw cuttanjjaraquïna.