Jeremías 28:4

Aymar Bibliia 1986

Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Jak'a apnaqawi uñst'ayäwi

Génesis 27:40

Espadamampiw sayt'asiraquïta, jilaman sirviriparaquïyätawa; ucampisa cunapachatejj ch'amanëjjäta, ucapachasti jupatjja khespjjaraquïtawa” sasa.

2 Reyes 24:14

Ucatjja Jerusalenanquir take jakenacaruwa preso apasjjäna, take jilïrinacaru, suma soldadonacaru, take amparamp luririnacaru, herreronacaru, tunca waranka preso jakenacaru phokhachañcama. Judá orakenjja janiw qhitis kheparcjjänti, jan ucasti wali pobre jakenacaquiwa kheparjjäna.

Isaías 9:4

Jumaw tucjtajja cunatejj marcamar t'akhesiycän uca esclavo cancañjja, cawquïri t'akhesiñatejj llaquisiycän ucjja, munañani jakenacampi apnakatäpjjaraquïnwa. Cunapachatejj Madián oraker tucjctajj uqhamänwa.

Jeremías 13:19

Néguev tokenquiri marcanacasti uñisirin muyuntatawa; janiw qhitis uca cheka pascaraquispati. Take Judá tokenquirinacasti apanucutäpjjewa, mä takpacha apanucüwiru.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 22:10

Jan jachapjjamti Josías reyitjja, jiwatapatsa janiraqui jachapjjamti; jan ucasti Salum yokapata jachapjjam, jupasti jan cuttaniñataquiw sarjje; janiraquiw mayampsa nacïwipa orakjja uñjcjjaniti. Tatitusti Judá oraken rey Josiasan Salum yokapatjja saraquiwa, cawquïritï awquipa khepatjja reyïcaraquïna ucarojja, uqhamaraqui cawquïritï aca chekatjja mistqui ucarojja: “Janiw jupajj cuttancjjaniti,

Jeremías 22:24

Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,

Jeremías 24:1

Babilonianquiri Nabucodonosor reyejj, Judá orakenquiri Joacim reyin Jeconías yokaparu apasjjatapatsti, uqhamaraqui take jilïrinacampi, irnakerinacampi cerrojo luririnacampi apascäna ucapachasti Tatitojj pä higo canastanaca uñjayitu, templo nayräjjana waynokata.

Jeremías 24:5

“Naya, Israelan Dios Tatitupaw arsta: Judá marcarojj suma higo achunacarjamaw uñtäjja, caldeonacan orakeparu jupanacjja apanuccäyäta ucata. Jupanacarusti sumpunwa uñtaniraquëjja.

Jeremías 27:8

Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 28:10

Uqhamasti Hananiasajj Jeremiasan cuncapatjja uca yugo apakjjasin, jisc'a jisc'a tucjaraquïna.

Jeremías 28:2

“Israelan Diosapa take ch'amani Tatitusti siwa: ‘Babilonia marcanquiri reyipan yugopjja p'acjäwa,

Jeremías 29:1

Jeconías reyina, uqhamaraqui reyin taycapasa, palaciona uywatanacasa, Judá orakena, uqhamaraqui Jerusalén marcana jilïrinacapasa, take irnakerinacasa jaya marcaru apata mistjjapjjän ucapachasti Jeremías profetajj Jerusalenata mä carta apayäna cawquïri jilïri jakenacatejj jayaru apayatanacatjja kheparapcän ucanacarusa, uqhamaraqui sacerdotenacarusa, profetanacarusa, take jakenacarusa, cawquïrinacarutejj Nabucodonosor reyejj Jerusalenata Babilonia orakeru preso catuntasin apcatayna take ucanacaru.

Jeremías 30:8

Naya take ch'amani Diosaw arsta: T'akhesiñatsti marcajjarojj khespiyaraquïwa, jan mayampis yakha marcanquir jakenacaru sirvcjjañapataqui.

Levítico 26:13

Nayätwa jumanacan Tatitu Diosamajja, nayaw jumanacarojj Egiptot apsunipjjaracsma jan ucan juc'ampi esclavot sarnakasipcañamataqui; cuna t'akhesiñatejj jumanacjjanccäna ucsa nayaw t'unatataracta, nayaw jumanacarojj jan cuna ajjsarasa sarnakayapjjaracsma.

Nahúm 1:13

Cuna yugotejj juma patancqui ucsa acch'a acch'wa tucjäjja, cadenanacamsa t'akanokaraquïwa —sasa.