Jeremías 26:2

Aymar Bibliia 1986

aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jak'a apnaqawi uñst'ayäwi

Jeremías 1:17

Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Jeremías 1:7

Ucampis Tatitojj saraquituwa: “Jan jumajj ‘Wawäsctwa’ samti. Cawquirutejj nayajj qhitcäma ucaruw jumajj saräta. Cuntejj nayajj siscäma ucwa parlaraquïta.

Jeremías 19:14

Ucanac pasatatsti, Jeremiasajj Tofet chekatjja cuttanjjänwa, cawqharutejj Tatitojj jupan sutipjjaru parlañataqui qhitcatayna uca chekaru, ucat templona patioru sayt'asisinsti, take jakenacaru parlaraquïna:

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Jeremías 25:2

Jeremías profetasti cuntejj Tatitojj siscatayna uca arunacsti take Judá marcan uqhamaraqui Jerusalenan jaquir jakenacaruw yatiyäna, saraquïnwa:

Jeremías 28:5

Jeremías profetasti Hananías profetarojja sacerdotenac nayrakatana, take jakenac nayrakatanwa templon aqham saraqui:

Jeremías 36:10

Baruc chachasti templon jach'a patioparuw saräna, Machak Puncu sisqui uca mantañaru, Safán jaken yokapa Gemarías sisqui ucan utapatpachwa, cawquïritejj reyin utapänjja jilirïcaraquïna, ucatpacha leet'äna take jakenacataqui cuna arunactejj Jeremiasajj kellkaycatayna ucanaca.

Jeremías 42:4

Jeremías chachasti jupanacarojj saraquïnwa: —Waliquiwa. Nayaw jumanacataqui Diosamat mayirapipjjäma, cunjämtejj sapquista uqhamarjama, ucatsti yatiyjjapjjaraquïmawa cuntejj Tatitojj sisquitani take ucanaca, jan cunsa imt'asa —sasa.

Jeremías 7:2

“Tatitun templopa puncuru sayt'asim ucatsti aca arunaca yatiyaraquim: Judá orakenquir take jakenaca, qhitinacatejj aca puncunac toke Tatitur yupaychañataqui mantapcta ucanaca, ist'apjjam aca arunaca.

Jeremías 7:27

“Jumasti Jeremías, take acanac jupanacarojj saraquim, janisay ist'asipcpan; jach'at art'am, janisay jaysapcchïtam ucasa.

Ezequiel 3:10

Ucatsti saraquituwa: “cuntejj siscäma uca arunacjja wali sum ist'am ucatsti chuymamaru sum catokaraquim.

Ezequiel 33:7

“Jichhasti, chacha, nayajj jumaruw Israel marcan uñch'uquiripat uchsma. Jumasti nayan arunacajj catokäta, ewjjanacajja jupanacaru catuyaraquïta.

Ezequiel 40:4

Uca jakesti saraquituwa: “Jichhajj wal wali uñtam, suma ist'araquim; cunanactejj uñacht'aycäm ucanacsti suma amuyaraquim, Diosaw jumarojj acar irpantam nayan jumaru take acanaca uñacht'ayañajjataqui, ucatsti janc'aqui Israel marcaru yatiyaraquim cunanactejj uñjcta ucanacjja” sasa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Lucas 19:47

Sapüruw Jesusajj templonjj yatichäna. Sacerdotenacan jilïrinacapampi, ley yatichirinacampi uqhamarac marcan jilïrinacapampejja, cunjämats jiwayañataquiw thakasipcäna.

Juan 18:20

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Juan 8:2

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Hechos 20:20

Ucampis jumanacar Tatitun arunacapat parlañatjja janiw inact'cäyätti, jumanacatac asquïtap laycu. Utanacansa, uqhamaraquiw mayninacarusa taken uñjcataraquiw jumanacarojj yatichapjjsma.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Hechos 5:25

Uqhamäquïpanwa, mayni chachajj purinisinjja säna: —Carcelar jist'antapctas uca chachanacajj templonwa jakenacar yatichasipqui —sasa.

Hechos 5:42

Jupanacasti janipuniw sapürusa amuct'apcänti Jesucristjjat yatichaña, parlañsa, templona uqhamarac utanacansa.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

Deuteronomio 4:2

Janiraqui cawquïri ewjjanactï churapcäma ucanacarojj jiljjatayapjjamti ni apakapjjamsa. Jaysapjjam Tatitu Diosaman camachi arunacap churapcsma ucarojja.

Josué 8:35

Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.

Apocalipsis 22:19

Qhititejj apakani aca libron kellkatäquis uca Diosan arunacapatjja, Diosajj juparojj jacañ librot apsuraquiniwa, uqhamarac marcapatsa. Ucanacasti aca libron kellkatawa.