Jeremías 26:11

Aymar Bibliia 1986

Ucatsti sacerdotenacasa, profetanacasa, jach'a jilïrinacarojja, uqhamaraqui take jakenacarusa sapjjaraquïnwa: “Aca jakejj jiwayatäñataqui juchañchatäñapawa, aca marcata jan wali parlatap laycu. Jumanacasti ist'apjjaractawa uqham parlasquirjja” sasa.

Jak'a apnaqawi uñst'ayäwi

Jeremías 18:23

Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Jeremías 26:16

Uqhamasti jilïrinacampi, jakenacampisti sacerdotenacarojj sapjjaraquïnwa, uqhamaraqui profetanacarusa: “Janiw cuna juchas utjquiti aca jakeru jiwayatäñapataqui catuyañajja, Tatitu Diosan sutipjjaruraquiw jiwasarojj parlistu” sasa.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Mateo 26:66

¿Cunjämas jumanacataquejja? —sasa Jupanacasti sapjjänwa: —Jupajj juchaniwa, jiwayatäñaparaquiwa —sasa.

Juan 18:30

Jupanacasti sapjjaraquïnwa: —Janitejj jach'a juchanïcaspa ucajja, janiw juman ucarojja irpanipquiristti —sasa.

Juan 19:7

Ucampis judionacajj sapjjaraquïnwa: —Nanacajj mä leyinïpjjtwa. Nanacan leyinacajjarjamajja jiwañapawa Diosan Yokapa tucutap laycu —sasa.

Hechos 22:22

Aca horascamasti jakenacajj amuquiw Pablorojj isch'uquipjjäna. Ucatsti wali jach'at arnakañ kalltapjje: —¡Jiwpan aca jakejja. Janiw jacañapajj waquiscjjeti! —sasa.

Deuteronomio 18:20

Ucampis cawquïri profetatejj nayan sutejjar parlañ munani, ucatsti parlaraquini cawquïri arunactejj nayajj jan juparu siscta ucanaca, uqhamaraqui yakha diosanacan sutiparu parlaraquini, uca profetasti juchañchasin jiwayatäniwa’ sasa.

Jueces 6:30

Purisasti sapjjänwa: —¡Irpsunim uca yokamaru, jiwayapjjäwa. Jupawa Baal sat diosan altarapa allthapi, uqhamarac uca altar jac'ancqui uca ajjsarat koksa qhuchthapiraqui! —sasa.