Jeremías 25:3

Aymar Bibliia 1986

“Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Jak'a apnaqawi uñst'ayäwi

Génesis 22:3

Khepärmanthisti wali alwatwa Abrahamajj sartasïna, asnopa caront'asi, sacrificiotaquisti lawa ch'iyjaraqui, ucatsti cawqharutejj Diosajj “Saram” siscatayna uca chekaruw sari, Isaac wawap irpjjarusisina, pani sirvirinacapampi cuna.

1 Reyes 22:3

Israelan reyipasti yanapirinacaparojj sänwa: —Jumanacajj yatipjjtawa Galaadanquir Ramot ucajj jiwasanquiwa. Ucatjja, ¿Janit cunsa lurcsnajja sirio reyin amparapata cutsuyasiñataquejja? —sasa.

2 Reyes 17:13

Tatitusti Israelit jakenacarojj ewjjänwa take profetanaca qhitatanacap toke jan wali thaquinacapata cutjtanjjapjjañapataqui, cuntejj Tatitojj churcäna uca phokhapjjañapataqui camachi arunacaparu, uqhamarac take yatichäwinacata leyinaca churcäna nayra awquinacaparu sirvir profetanacap toke.

2 Crónicas 24:19

Ucampis Tatitojj jupanacarojj profetanacwa qhitanïna, jupan ucar cutt'anjjapjjañapataqui. Ucampis jakenacajj janiw ist'asipcänti profetanacana ewjja arunacaparu.

2 Crónicas 34:1

Josiasajj cunapachatï quimsakallko maranïna ucqhawa apnakaña kalltäna, ucatsti Jerusalenanjja jupajj quimsa tunca mayani maraw apnakäna.

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

2 Crónicas 34:8

Josiasajj tunca quimsakallkoni mara apnakcäna, take marcsa, uqhamarac templo k'omachcäna uca pasatatjja, jupajj Azalía chachan Safán yokaparuw qhitäna, marcanquiri Amasías jilïriru, Joacaz chachan Joa yokapa kellkeriparuraqui, Tatit Diosapan templopa asquichayañapataqui.

2 Crónicas 36:15

Nayra awquinacapan Tatit Diosapasti, niya ucqhat niya ucqhatwa ewjja arunaca apayanïna qhitanacap toke, Tatitojj marcapatsa, jaccäna uca chekatsa qhuyapayasitap laycu.

Salmos 81:13

Marcajjatejj ist'itasapänjja, Israel marcatejj thaquejjanjam sarasapänjja,

Éxodo 8:20

Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: “Tatitojj siwa: ‘Antutjjam marcajjaru nayar yupaychiri sarjjapjjañapataqui.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Jeremías 1:2

Cunapachatejj Amón jaken yokapa, Josías sat reyejj tunca quimsani mara Judá orake apnakcäna, ucapachaw Dios Tatitojj Jeremiasarojj parläna.

Jeremías 11:7

Cunapachatejj awquinacaparu Egiptot apsuncäyäta ucapachasti saraquïyätwa, nayaruc jaysapjjeta sasa, ucatpacha jichhacamasti ucjja sascaquipuntwa.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 22:21

Cunapachatejj jumajj wali suma sarnakascäyäta ucapachaw nayajj jumarojj parlsma, ucampis janiw ist'añ munctati. Wayna cancañamatpacha uqhampuniw sarnaktajja; ¡arunacajj ist'añsti janipuniw munctati!

Jeremías 25:4

Tatitojj jumanacarojj mayampi mayampwa profeta sirvirinacapjja qhitanipjjtam, ucampis jumanacajj janiw ist'apctati, janiraquiw jupanacan parlatanacaparusa ist'añ munapcäyätati ni uca parlatanacapsa phokhañ munapcaraquïyätati.

Jeremías 26:5

uqhamaraqui nayar sirviri profetanacan arunacaparusa janiraqui ist'apcaniti, uca profetanacsti nayajj mayampi, mayampwa qhitanta, jumanacasti jupanacarojj janiw ist'apctati,

Jeremías 29:19

Jumanacajj janiw nayar sirviri profetanacajj cuna arunactejj ewjjapctam uca arunacarojj ist'apctati uca laycu, nayasti mayampi mayampwa jumanacarojj uca profetanacjja qhitanipjjaracsma, ucampis jumanacajj janiw jupanacarojj ist'apctati. Naya Tatituw ucjja arsta.

Jeremías 32:33

Nayataquejj maysaruw uñtapjjänjja, janiw uñcatañsa munapcaraquitänti. Nayasti jupanacarojj yatichascapuniraquïyätwa, ucampis janiw nayan yatichäwinacajj-jja ist'añ munapcänti.

Jeremías 35:14

Recab jaken Jonadab sat wawapan wawanacapajj cuntejj awquipajj jaytawaycatayna uca arunacjja phokhapjjewa, jupanacarusti “Janipuniw vino umapjjätati” satänwa, ucatsti jichhürcama janiw umapquiti, nayra awquipan arunacaparu phokhasa, uqhamaraqui uca arunaca ist'apjjatap laycu. Nayasti uca quipcaraquiw jumanacarojj ewjjanaca mayampi, mayampi churapjjsma ucampis jumanacajj janiw nayarojj ist'apquistati.

Jeremías 35:15

Nayar sirviri profetanacajjarusti mayampi mayampwa qhitanipjjsma jumanacaru aqham sañapataqui: Uca jan wali sarnakäwinacamsa uqhamaraqui jan wali luräwinacamsa apanucupjjam. Janiraqui yakha diosanacan khepapsa sarjjapjjamti ni ucanacarusa yupaychapjjaraquimti, uqhamatwa cuna oraktejj nayajj jumanacarusa uqhamaraqui nayra awquinacamarus churcäyät ucan jacasipjjätajja sasa. Ucampisa janiw jumanacajj nayan arunacajjarojj jaysapcäyätati ni ist'apcaraquïyätasa.

Jeremías 36:1

Josiasan yokapa, Joacim reyejj Judá orake pusi mara apnakcän ucapachaw Tatitojj Jeremiasaru parläna, saraquïnwa:

Jeremías 36:2

“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 7:13

Nayasti mayampi mayampwa jumanacarojj ñankha luratanacamatjja ewjjapjjsma, ucampisa jumanacajj janiw nayarojj ist'apquistati, ni jaysapcaraquistasa. Naya Tatituw acjja arsta.

Jeremías 7:25

Cunapachatejj nayra awquinacapajj Egiptot mistunipcäna ucat jichhacamasti, nayajj jumanacarojj maynit mayniruwa profetanacjja qhitanipjjsma.

Ezequiel 33:4

Ucampisa maynitejj trompetan toct'asitapa ist'ascchi ucat janiraqui uca toct'ataru yäkcchiti ucat uñisirinacajj purinisinjja juparu jiwayapjjani, ucapachasti, jupa pachpawa juchanïscani,

Zacarías 1:4

Jan nayra awquinacamjam lurapjjamti, qhitinacarutï nayra profetanacajj naya toket jupanacaru sänjja jan wali sarnakäwinacapa, jan wali luräwinacapa jaytjjañapataqui, ucampis jupanacajja janiw ist'añsa, jaysañsa munapcänti. Naya Tatituw arstjja.

Marcos 1:35

Willjtanjjepansti Jesusajj ch'amac ch'amacaw marca thiyaru mistüna mä wasar chekaru, ucansti Diosat mayisïna.

Juan 8:2

Khepürusti wali albat temploru cutt'anïna. Puripansti take jakenacaw jupar jac'achasipjjäna, Jesusasti kont'asisinwa yatichañ kalltäna.

Juan 8:47

Qhititejj Diosanquirïqui ucajja, Diosan arunacapjja ist'iwa, ucampis jumanacajj janiw Diosanquirïpctati, ucatpï Diosan arupjja jan ist'añ munapctatejja —sasa.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.