Jeremías 23:9

Aymar Bibliia 1986

Profetanac toketa arunaca: Chuymajjanjja mayjt'atapunïtwa, janchejjasti wal qhathatiraqui, machata jaker uñtatätwa, vinompi k'ala atipjatäquiristsa uqhama, Tatitun arunacap laycu, uqhamarac Tatitu laycu.

Jak'a apnaqawi uñst'ayäwi

Salmos 60:3

Marcamarojj jach'a yant'anacampiw t'akhesiytajja, lokheptayir vino churapjjestajja;

Salmos 69:20

Jaken toketanacapajj chuymajjaruw t'unanti, jan ch'amanipuniw uñjasta. Qhuyapayasiñ suyta, ucasti janiw jicjjatayasquituti, chuymachirinac suyta, jupanacarusti janiw jicjjatcti.

Isaías 28:1

¡Ay Samaria, Efrainan jach'a jach'a tucuñapa, uqhamaraqui machiri marca; ancuntat pankaranacampi lurat pankar arco, uca suma valle patan utjasiri jakenacapas vinompi atipjata jakenaca!

Isaías 29:9

¡Jumanacasti, jakenaca, uqham lokhequïsipcam! ¡Juyqhuquïsipcam, jan cuns uñjasa! ¡Umatanacjam liwinaktasipcaquim, jan machjayiri umanac umapcsta ucasa!

Isaías 51:21

Ucatpï, jan cunan marca, acanac ist'amaya, jumajj machatätawa, ucampis janiw vinompiti;

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Jeremías 20:9

Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Jeremías 36:16

Baruc chachasti jupanacataquejj leet'arapiraquïnwa; ist'asinsti ucspachaw ajjsarthapipjjäna, ucat maynit maynicama uñcatasisinsti, sapjjaraquïnwa: “Take acanacsti reyiruw yatiyapjjañasajja” sasa.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 8:18

Usuyasitajjajj janiw kollañjamäcjjeti, chuymajjas cawcst'araquituwa.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Lamentaciones 3:15

Tatitusti jachañanacampiw phokhantitu, c'allc'u uma umañwa churaraquitu.

Ezequiel 13:3

¡Ay, cunaquïcani cawquïri pisi chuyma lokhe profetanacatejj jupanacan pachpa amtatanacaparu arcasipqui, jupanacajj janiw chekpach unañchäwi uñjapquiti!

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Daniel (hebreo) 8:27

“Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Romanos 7:9

Nayasti mä urunacanjja jan leyiniw jacäyäta, ucampis ley jutipanjja juchajj jactjjewa, nayasti jiwjjaractwa.