Jeremías 23:3

Aymar Bibliia 1986

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jak'a apnaqawi uñst'ayäwi

Salmos 106:47

Tatit Diosajjay, khespiyapjjaquitaya, Diosar jan uñt'ir jakenac taypit irpthapjjapjjeta: kollan sutim jach'añchañataqui, cusisiñamp jumar yupaychañataqui.

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 29:14

Jïsa, nayaw jumanacarojj, nayrakatajjaru puriyanipjjäma, ucatsti sarnakäwinacamjja nayaw uñj-jjaraquï. Take marcanacatwa jumanacarojj apsunjjapjjäma, uqhamaraqui take chekanacatwa apsunjjapjjäma, cawqhanacarutejj nayajj jumanacaru ananucupcsma uca chekanacata, ucatsti tantacht'asinjja, aca pachpa chekaruw jawsthapjjapjjaraquïma cawqhattejj ananucupcsma uca pachpa chekaru. Naya Tatituw ucjja arsta.’

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 30:3

mä uruw purinini, cunapachatejj nayan Israel marcajjasa uqhamaraqui Judá marcajjasa mayjt'ayatäjjani ucajja. Naya, Tatituw, arsta. Cawquïri oraktejj nayajj nayra awquinacaparu churcta uca orakeruw jupanacarojj cuttayjjä” sasa.

Jeremías 31:7

Tatitojj siwa: “Cusisiñat k'ochupjjam, Jacobon marcapatjja, jupasti take marcanacan jilïripawa. K'ochusitanacamsti ist'ayapjjaraquim, sapjjaraquim: ‘Tatitojj marcaparojj khespiyiwa, Israelat jilt'irirojja’ sasa.

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 46:27

“Jan ajjsaramti Jacobon marcapa, nayan uywatajja; Israel, jan ajjsaramti. Jumampiru, wawanacamampirojja nayawa khespiyapjjäma, uca jaya marcata, cawquirutejj apayatäpcta ucata. Wasitatwa sumaqui jacasjjaraquïta, c'uchiqui, jan qhitinsa sustjataw jacasjjaraquïta.

Jeremías 50:19

Israel marcarusti cutt'ayanjjaraquïwa orakeparojja. Carmelo orakensa, Basán, Efraín kollunacansa, uqhamarac Galaad oraken walja pastonacani ovejar uñtatäniwa.

Jeremías 8:3

Aca ñankha jakenacatjja, cawquïrinacatejj kheparasipqui, nayajj ananuccta ucatjja, cawqhantejj jicjjatasipjjani uca chekanjja jiwarañacwa munjjapjjani jacañat sipansa. Naya take ch'amani Tatituw arsta.

Ezequiel 11:17

Nayan sutejj-jjarusti jupanacarojj saraquim: ‘Naya Tatituw jupanacarojj uca jaya marcanacat cuttayanjjaraquï, cawquïri marcanaca taypirutejj nayajj jupanacaru willitatcta ucanacata, jupanacaru tantacht'asinsti Israel marca jupanacarojj churjjaraquï.

Ezequiel 36:11

Jumanacan jakenacamarusa uqhamaraqui uywanacamarusa waljaptayapunïwa. Nayra urunacanjja cunjämatejj jakenacajj waljaptcänjja uqhamaraquiw waljani tucjjapjjäta, nayra urunacat sipansa juc'ampi asquinwa sarnakjjapjjaraquïta. Ucapachaw yatipjjäta nayajj Tatitütajja.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Levítico 26:9

Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.

Miqueas 2:12

“Jacob marcarusti takpachaniruw tantacht'ä Israel marcat mä kawkha jilt'irinacarusti apthapjjaraquïwa. Ovejanacjamwa mayaru anthapjjä, suma pasto chekanacaruw ananokaraquï; ucatsti waljanïpcaspas uqhamwa ojjopjjaraquini.

Miqueas 7:12

Juman ucaru take toket jutapcani uca urusti niya purinjjaraquiwa; Asiriatpacha Egiptcama, Nilo jawiratpacha, Eufrates jawircama, jach'a kotat jach'a kotacama; kollut kollucamaraqui.