Jeremías 20:2

Aymar Bibliia 1986

Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Jak'a apnaqawi uñst'ayäwi

1 Reyes 13:4

Jeroboam reyejj cunapachatï profetan take uca arunacapa Betelanquir altar toke arscäna ucqhasti, amparapwa altaratpacha loktanïna aqham sasa: “¡Catuntapjjam!” sasa. Ucampis cawquïr ampartï loktancäna unanchañataqui ucajja chekaquiwa tucuwayjjäna, ucatsti janiw onjjtaycjjänti.

1 Reyes 22:27

Sapjjätawa: “Reyejj aqham siwa: ‘Carcelaru uchantapjjam, ucatsti juc'acwa t'ant'sa, umsa churapjjäta, nayan cutt'aniñajjcama sumaqui jan camacht'ata’ ” sasa.

2 Crónicas 16:10

Ucatsti Asajj walpunwa profeta tokjja colerasïna, ucatjja carcelaruwa uchantayäna. Uqhamaraquiwa uca urunacanjja marcanquiri yakhepanacarojja sinti ñankhanac luraraquïna.

2 Crónicas 18:23

Ucatsti Quenaana chachan Sedequías yokapajj Micaíasaru jac'achasisinjja aqham sasaw nuwäna: —¿Cawqui cheksa Tatitun ajayupajj nayatjja sarawayjjejja jumar parlañataquejja? —sasa.

2 Crónicas 24:21

Ucampis jupanacajj mayaqui jupataqui arust'asisinjja, reyin arsut'apatwa kalamp c'upjasa jiwayapjjäna, Tatitun templopa ankäjjana.

Job 13:27

Nayarojj cayunacatsa cadenanacampiw ñach'antistajja, sapa chellktatajjwa uñch'uquisctajja, tact'atanacajjsa uñch'uquiractawa.

Job 33:11

cayunacajjarusti cadenampiw ñach'antitu, sapa chellktäwejjwa uñjaraqui” sasa.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 26:10

Judá orakenquiri jach'a jilïrinacasti, ucanac ist'asinjja, palacion reyipatjja temploruw sarapjjäna, ucansti Machak Puncu sisqui uca chekaruw kont'asipjjäna.

Jeremías 26:8

Cunapachatejj jupajj take cuntï Tatitojj parlañataqui churcatayna uca arunaca tucuyjjän ucqhasti, sacerdotenacas, profetanacasa, take jakenacasa Jeremiasaru catuntasinjja sapjjänwa “¡Jichhaw jumajj jiwätajja!

Jeremías 29:26

Tatituw jumarojj sacerdotet usctam, Joiada lanti, uqhamata templonjja mä jilïrit uñt'atäñamataqui. Ucat mä lokhe jaketejj jutasin profetäcaspas uqham parlani ucapachasti, jumajj catusin carcelaru cadenanacampi ñach'antasin apantañama.

Jeremías 36:26

Jan ucasti Jerameel jakeruw saraquïna Jeremías profetaru, Baruc sat kellkeripampiru catuntañapataqui. Uca Jerameel jakesti palacionquirinacat jutiriraquïnwa, Azriel sat jaken Seraías yokaparu, Abdeel jaken Selemías yokapampiru, Jeremías profetaru, Baruc kellkeripampiru catuntaniñapataqui, ucampis Tatituw jupanacarojj imantjjäna.

Jeremías 37:13

Ucampisa cunapachatï Benjamín sata puncu chekaru purcän ucapachasti mayni jakewa Erías sat sutini, qhititejj Selemiasan yokapäcäna, uqhamaraqui Hananías sat jaken allchhipäcaraquïna, ucajj guardianacan jilïrïpänwa, ucasti Jeremiasarojj catuntänwa aqham sasa: “¡Jumajj caldeo jakenacaruw maqhatjjätajja!” sasa.

Jeremías 37:21

Uqhamasti Sedequías reyejj saraquïnwa, Jeremiasajj guardianacan patioparuqui preso kheparjjañapa, ucatsti sapa ururaqui t'ant'a apapjjañapa, Panaderonacan callepa satäqui uca calleta. Uqhamaw phokhasïna t'ant'ajj marcan utjcän uca urunacajja. Uqhamatwa Jeremiasajj guardianacan patiopana preso khepararaquïna.

Zacarías 14:10

Take marcpachaw mä pamparu uñtata tucjjapjjaraquinejja Geba marcat Rimón orakcama Jerusalenat aynach tokena. Jerusalenasti altoncaniwa, ucanracwa jacasipjjani. Benjaminan puncupata ángulo Puncucama (cawqhatejj Nayrajj Puncücäna), Hananeelan torrepata reyin prensampi aceite ch'irwañapcama.

Mateo 21:35

Uca yapun yapuchir jakenacasti uca qhitat uywatanacarojj catuntapjjewa, maynirojj nuwjapjjewa, maynirusti jiwayapjjewa; maynirusti kalampiraquiw c'upjapjjäna.

Hechos 4:3

Ucanac ist'asinsti, jupanacarojj preso catuntapjjäna. Ucatsti carcelaruw llaventapjje khepürcama, niya jayp'öjjatap laycu.

Hechos 5:18

Jupanacasti apostolonacarojj preso catuntasinjja, carcelaruw llaventapjjäna.

Hechos 5:40

Uca arunacarusti takeniw jaysapjje. Ucatsti apostolonacar jawsayasinjja ewjjt'apjjewa, jan juc'amp Jesusjjat parlapjjañapataqui. Jawk'jayasinsti, antutnucjjapjjaraquïnwa.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.