Jeremías 2:13

Aymar Bibliia 1986

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jak'a apnaqawi uñst'ayäwi

2 Reyes 22:17

Jupanacasti nayar apanucusinjja yakha diosanacaruwa inciensonaca naqhayapjje, uqhamatwa take luratanacapampi nayar colerayapjjetu; ucatwa nayan colerajjajj akti aca chekataqui, ucasti janiw t'acurcaniti.’ ”

Salmos 36:9

juman jacquir umajj utji, khanamasti khan uñjayapjjetu.

Eclesiastés 1:14

Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Eclesiastés 12:8

Naya, yatiyirejj, wastatampiw sista: “¡Inamayaquiwa, inamayaquiwa! ¡Take cunas inamayaquiwa!” sasa.

Eclesiastés 2:11

Ucat nayajj lup'ista take luratanacajjata, uqhamarac kawkha ch'amatejj apsutäqui ucanacatsa, ucatsti amuyasiractwa take ucanacajj inamayaquiwa, thayarusa catthapï siscsna uqhamaquiwa, ucatjja janiw cuna asquis aca orakenjja utjquiti.

Eclesiastés 2:21

Maynejj yatiñampi, uñt'añampi, suma luraña yatitampi luratapajja jaytjjañataquiquiwa, qhititejj jan lurcäna take ucanaca jupan catuntasiñapataqui. ¡Acasti inamayaquiwa, uqhamarac jach'a jan cheka luräwiraquiwa!

Eclesiastés 2:26

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 1:4

“¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Isaías 12:3

Jumanacas cusisitaw sarapjjaraquisma, jupan khespiyasiñ umapat umt'irejja,

Isaías 5:13

Ucatpï jichhajj jan amuyt'añ munapjjatamata, marcajjajj jayar apanucutänejja. Marcpacharaquiwa jilïrinacapampi chica mank'atsa, umatsa jiwarapjjani.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Isaías 63:8

Jupajj siwa: “Jupanacajj nayan marcajjawa, janiw aca wawanacajjajj ch'ojjña lurapquitaniti” sasa.

Jeremías 1:16

Ucäniwa mutuyäwejja, nayan arsutajjarjama, qhitinacatejj nayar apanucusin, jupanacpachan lurasita yakha diosanacaru, inciensonaca loktasipjje, quillisipjjaraqui uca jucharara jakenacataquejja.

Jeremías 14:3

Kamirinacajj uywatanacap qhitapjje um aptanipjjañapataqui; uca uywatanacasti uma phujunacaruw sarapjje, ucampis janiw jicjjatapquiti, ch'usa wayuchanacapampiquiw cuttanjjapjje; c'arintata, p'enkachjataraquiw, p'ekenacapsa imjjatasipjjaraqui.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 17:13

Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.

Jeremías 18:14

¿Líbano alto kollunac patatjja, cunapachas chhaktaraquiti qhunojja? ¿Kollunacat jalakasinquiri suma k'oma umanacas wañt'aracpachacha?

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 2:11

mä jan Diosar uñt'iri marcajj diosanacap trocatapa. ¡Uca diosanacapajj jan cheka Diosäpcchi ucasa! Ucampisa marcajjajj nayarojj apanucuwayituwa, nayasti jupanacan jach'a cancañaparaquïtwa, jan cunatac inamaya c'ari diosanac laycuquiw apanucuwayapjjetu.

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:26

“Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 5:26

Marcajjansti ñankha jakenacaw utji, jupanacasti jamach'inac jiwayirinacjamaw suyjjatasipqui, mayninacaru catuntañataquisti sipitanac uscusipcaraqui.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Ezequiel 47:1

Uca jakesti uca khepatjja templo mantañawjaruw irpanjjaraquitu. Ucat ucan uñjaracta puncu mankhatjja uma jalsusinquiri, uca umasti inti jalsu tokeruw jalascaraquïna, cawcsarutejj templojj uñtatäcän ucsaru. Uca umasti templon cupëjjapwa jalacascaraquïna, altarat aynacha tokeru.

Miqueas 2:8

Jumanacajj marcajjataquiw sayt'apjjtajja, jakenacatsti isinacapsa aparapjjaractawa jumanacan uñisirinacamäcaspas uqhama.

Miqueas 6:3

Acwa Tatitojj saraqui: “Marcajja, jichhajj sita, ¿cuna jan walsa jumarojj lursma, jan ucajj cuncha sisma?

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:11

Warmisti Jesusarojj saraquïnwa: —Tata, janiw cunamp um apsuñamas utjquiti, phujusa wali mankheraquiwa. ¿Cunjämatsa jacquir um churitasma?

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

2 Pedro 2:17

Uca jakenacajj mä jan umani phujur uñtatawa, thayan apnakata kenayanacar uñtatäpjjaraquiwa; jupanacasti wiñayan wiñayapataquiw ch'iyara ch'amacancapjjani.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

Jueces 10:13

Uqhama khespiyatäcasinsa jumanacajj nayatjja armasisipcaquistawa yakha c'ari diosanacaru yupaychaña laycu. Uca laycusti nayajj janiw mayampis khespiyapquirismati.

1 Samuel 12:10

Ucampis jupanacajj Tatituruw juchanacap arsusipjjäna, uqhamarac juparu apanucutanacapsa, Baal uqhamaraqui Astarté sisqui uca yakha diosanacapar sirvisina, ucatsti achict'asipjjaraquïnwa, uñisirinacapat khespiyañapataqui, jupa saparu sirviñataquiw arsupjjaraquïna.