Jeremías 13:9

Aymar Bibliia 1986

“Aqhampï Judá orakena, Jerusalén marcana jach'a jach'a tucutapjja t'unjäjja.

Jak'a apnaqawi uñst'ayäwi

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Isaías 16:6

Moab marcan jach'a jach'a tucur chuymapsti uñt'tanwa, jach'a jach'a tucuñapsa, sajjrätapsa, jan cunatac inamaya arunacapsa yatiractanwa.

Isaías 23:9

Take ch'amani Tatituw uqham lurayi, take jach'a ch'amaninacsti, munañani jakenacarusti orakercam liwinucuñataqui.

Jeremías 13:8

Ucat Tatitojj wasitat nayaru saraquitu:

Jeremías 25:18

Jerusalén marcaruw churta umañapataqui uqhamaraqui Judá orakenquiri take marcanacarusa, reyinacapampi take jilïrinacapampi umapjjañapataqui, uqhamat jupanacajj t'unjatäñapataqui, pampa tucjata apanucuñataqui, ajjsarcaña qhathatcaña tucjatäñapataqui, uqhamata mayninacajj yatekasipjjañapataqui cunjäma maldicionarutejj jalt'qui uca toketa, jichhürcamasa uqhamaquïsipcañapataqui.

Jeremías 48:29

Moab marcan jach'a jach'a tucurïtapjja yatipjjtanwa, jach'a jach'a tucutapa, jisc'achirïtapa, mä jan ajjsartiri chuymanïtapsa.

Ezequiel 16:50

Jupanacajj wali jach'a jach'aw tucupjjänjja, ucatsti cunanactejj nayajj uñiscta ucanacwa lurapjjaraquïnjja; ucatpï jupanacarojj tucjtjja cunjämtï jumajj uñjcta uqhama.

Ezequiel 16:56

Jumasti Sodoma cullacaman t'akhesitapatjja larusiyätawa cunapachatejj wali jach'a jach'a tuccäyät ucapachajja.

Levítico 26:19

Jumanacan jach'a jach'a tucupjjatanacamsti t'unjaraquïwa, alajjpachas janiraquiw jumanacjjarojj jallu apayancjjaniti, orakes janiw achcjjaraquiniti.

Nahúm 2:2

Tatitusti Jacobon jach'añchäwinacapjja wasitatwa cuttayjjaraquini, Israelan jach'añchäwinacapjja, cunjämacäntejj janïra k'al saqueyjapcän, uqhamaraqui k'ara uva lawanacaqui jaytjjapjjän ucqhajja.

Sofonías 3:11

Uca urunjja nayan marcajja, janiw naya toke sayt'asitanacamatjja p'enkascjjätati, cuna luratanacampitï naya contra sayt'ascäyäta ucanacatjja, nayaw uca jach'a jach'a tucuri jakenacaru juma thiyat apakjjäma uca laycu. Ucatsti janiw mayampis jach'a jach'a tucjjätati nayan santo kollojjanjja.

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”