Jeremías 13:16

Aymar Bibliia 1986

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jak'a apnaqawi uñst'ayäwi

Job 3:5

¡Walïsapänwa uca urjjaru mä ch'iyar kenayan chhaktayañapajja. Mä ch'iyar ch'amaca chhaktayasapäna, jan ucajj intin ch'amact'atapasa ajjsarañampi phokhantasapäna!

Salmos 107:10

Jupanacajj ajjsarcay ch'amacan jacapjjäna, cadenanacampi, llaquisiñamp ñach'antataw jacapjjäna;

Salmos 107:14

Ch'amac lajja taypit apsüna, cadenanacamp chinuntatat jaranucüna.

Salmos 29:2

Tatitun khapak sutip jach'ar aptapjjam, kollan utapan Tatitur yupaychapjjam.

Salmos 44:19

ucampis jan walt'añ chekanacan aynacht'ayapjjesta, ajjsarcañ ch'amacampiw imjjatapjjesta.

Éxodo 10:21

Tatitusti Moisesarojj sänwa: —Amparama alajjpachar loktam, ucatsti take Egipto marcpachanwa lajja ch'amacajj utjani, llamct'añjama —sasa.

Proverbios 4:19

Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa!

Eclesiastés 11:8

Ucatsti maynejj walja maranaca jacchini ucasa, uqhamarac take ucanacampisa cusiscchini ucasa, ucampis amtasiñapawa ch'amac urunacasti waljäniwa, ucatsti take cunatejj jutcani ucajja inamayaquiwa.

Isaías 5:30

Uca marcasti, cunapachatejj arsut urojj purincan uca urojj jach'a kotar uñtataw khothutini Israel marcataquejja, qhititejj orak uñch'uccani ucasti orakerojj kenayampi ch'amacrantayata, ch'iyara ch'amaca kenayanacampi muyuntata uñjaraquini.

Isaías 59:10

Mä juyqhur uñtataquiw perka jac'an cumpunakasctanjja, janis nayranïccsna uqhama; chica urunsti arumäcaspas uqhamwa ch'ankhanakttanjja; c'umaräcasinsa jiwatäcsnas uqhamätanwa.

Isaías 59:9

Uca laycuw khespiyasiñajj jiwasatjja jayarst'awayjje, khespitäñasti janiw jiwasarojj jac'achasinquiti; khanwa suyt'ayätanjja, ucampis ch'amacaquiw utjasqui, khanartañapwa suyascäyätanjja, ucampis ch'amacanacwa sarnakasctanjja.

Isaías 60:2

Aca orakerusti ch'amacaw muyunti, marcanacarus aruma ch'amacaw muyuntascaraqui, ucampisa Tatituw jumjjanjja khanani, jumjjanracwa Tatitun khanapajj uñstani.

Isaías 8:22

ucatsti orakeruw alintapjjaraquini, ucansti aynacht'añampi, ch'amacampicwa jicjjatapjjani, ch'iyar arum ch'amacampi llaquisiñanacampi. Take cunwa arum ch'amacajj chhaktayani. T'akhesiyat jakesti janiw jaltañataquejj ch'amanïcaniti.”

Jeremías 14:19

Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.

Jeremías 2:6

Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Jeremías 23:12

Ucatpï jichhajj sarnakäwinacapajja ch'amaca, llust'araquïnejja: Nayaw jupanacarojj nuct'ayäjja. Cunapachatejj jupanacaru luratanacapa wayt'cä ucapachasti, jach'a t'akhesiñanacwa jupanacjjarojj apayanëjja. Naya Tatituw ucjja arsta.

Jeremías 4:23

Orake uñatatta, ucasti jan amuycaña wasarar tucutänwa; alajjpacha uñtaracta, ucansti janiw cuna khanas utjcaraquïnti.

Jeremías 50:6

“Marcajjasti chhakat ovejanacjamaw sarani, jan wali awatirinacapan irpata, uca awatirinacasti monte tokenacanwa ananucupjjänjja. Mä kollut mä kolluruw sarapjjänjja, pachpa uyunacapatsa armasjjapjjaraquïnwa.

Jeremías 6:21

Ucatwa Tatitojj saraqui: “Aca marcarojj ch'anktasiyäwa, liwisiyaraquïwa. Awquinacasa, wawanacasa, uta jac'anacasa, amigonacasa, takeniw mayaqui jiwarapjjani” sasa.

Jeremías 8:15

Take cunansa jiltañwa munäyätanjja, ucampisa jan walt'añanacaquiw purinistu. C'umara sarnakasiñwa munäyätanjja, ucampisa mayjt'asiñaquiw purini.

Lamentaciones 4:17

Nayranacapasa uñch'uccäwejja karirjjewa, inamayaquiw yanapa suyasctanjja. Mä marcan puriniñapwa suyasctan, jan khespiyir marcan puriniñapa.

Ezequiel 21:15

Take utanacaparuwa uca jiwarayir espadjja uscuracta, llijullijunac sarayañataqui suma llijquir kaksut espadawa, jiwarayañataqui afilata espadawa.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 36:15

Janipuniw mayampsa uca yakha marcanacampejj jisc'achaycjjämati, uca marcanacatjja janipuniw mayampsa jisc'achäwinacjja catokjjapjjätati, jumanacasti janipuniw marcamarojj jan wawanjja jaytcjjapjjätati uca laycu. Naya Tatituw ucjja arsta.’ ”

Joel 2:2

ch'amaca lajja uruwa, kenaya ch'amaca ururaquiwa. “Mä wali ch'amani walja ejercitow kollunacan aywti willjta khanar uñtata. Janipuniw cunapachas ucajj uñjasirïcänti, ni jichhas uñjascaniti, cunatejj jichhajj uñstqui ucajja.

Amós 4:13

Qhititejj kollunacsa, thaysa lurquejja, jakerus amtäwinacapsa yatiyaraqui, jaypt'aycaraqui, khanjtayancaraqui, wali alto kollunac toksa sarnakcaraqui ucasti, Take Ch'amani Dios Tatitu, sataw sutipajja.

Amós 5:18

¡Ay cunaquïcani Tatitun urupan puriniñap munapqui ucanacataquejja! ¿Yatipjjtati cunjämäcanitï uca urojj jumanacataqui ucjja? Uca urojj ch'amacäniwa, janiw khanäcaniti.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Josué 7:19

Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

1 Pedro 2:8

Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.

1 Samuel 6:5

Uca laycu jichhajj korit uca tumoranac lurapjjam, uqhamarac marcasa t'unjquis uca achacunacar uñtasitanacsa lurapjjaraquim, ucatsti Israelan Diosaparu jach'achapjjaraquim, inampisa jumanacarojj jani mutuyjjapjjeristamti, diosanacamarusa, jumanacan orakenacamarusa.