Jeremías 11:4

Aymar Bibliia 1986

Uca arust'äwsti, nayra awquinacapampiw lurta, cunapachatejj Egiptot apsuncäyäta ucapacha, uca marcasti jupanacataquejj hierro umatatayañ hornjamänwa, saraquïyätwa: Nayaru ist'apjjeta, cuntejj nayajj sapcäma take ucanac phokhapjjam, uqhamat jumanacajj nayan marcajjäpjjäta, nayasti jumanacan Diosamaraquïyäwa.

Jak'a apnaqawi uñst'ayäwi

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

1 Reyes 8:51

Jupasti marcamawa, jumancaraquiwa; jumaraquiw Egiptotjja apsuniractajja, uca orakesti hierro umatatayañ hornjamänwa.

2 Reyes 18:6

Jupasti Tatitumpipuniwa suma sarnakäna, janiw jupatjja sarakcänti, uqhamaraquiw jupajj phokhäna Moisesaru Tatitojj camachi arunacapa churcäna ucanacjja.

Éxodo 20:6

Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.

Isaías 30:6

Profecía arunaca Néguev chekanquir animalanacataqui: Uca ajjsarcaya orakenacanjama, leonanacan wararitanacapaquiw ist'asi, catarinaca, thokhonakeri dragonanacan jacäwipa, uca chekwa kamir cancañanacapjja apapjje asnonacata, camellonacata qhumt'ata, jan cunatac inamay Egipto marcaru,

Isaías 48:10

Nayaw jumarojj k'oma tucuysma, janiw kollkempjamati, jan ucasti t'akhesiña horno tokew k'omachsma.

Jeremías 11:7

Cunapachatejj awquinacaparu Egiptot apsuncäyäta ucapachasti saraquïyätwa, nayaruc jaysapjjeta sasa, ucatpacha jichhacamasti ucjja sascaquipuntwa.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 26:13

Sarnakäwinacamsa, luräwinacamsa asquichasipjjam, jumanacan Tatitu Diosamaruraqui ist'apjjam, ucatsti jupajj janiw cuna jach'a t'akhesiñanactejj arsqui ucanacjja apayanipcätamti.

Jeremías 32:28

Jichhasti nayajj sismawa: Babilonianquiri Nabucodonosor reyimpiru, uqhamaraqui caldeo jakenacampiruw aca marcjja catuyaraquï.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Ezequiel 11:20

Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.

Ezequiel 14:11

Uqhamat Israel marcajj jan nayat juc'ampi jithektjjañapataqui, janiraqui uca ñankha lurañanacampisa k'añuchasiscañapataqui. Jupanacajj nayan marcajjäniwa, nayasti jupanacan Diosaparaquïyäwa. Naya Tatituw ucjja arsta.”

Ezequiel 36:28

ucatsti cawquïri oraktejj nayra awquinacamar churcäyät uca oraken jacapjjaraquïta, jumanacasti nayan marcajjaw tucupjjaraquïta, nayasti jumanacan Diosamaraquïyäwa.

Ezequiel 37:23

Janiraquiw wasitat k'añuchascjjapjjaniti, uca ajjtascaña c'ari diosanacar yupaychasajja, ni cunayman casta juchanaca lurasasa. Jan chekaparu sarnakatanacapatsti nayaw jupanacarojj khespiyaraquëjja, juchanacapatsa k'omacharaquïwa. Jupanacajj nayan marcajjäniwa, nayasti jupanacan Diosaparaquïyäwa.

Ezequiel 37:27

Nayasti jupanac taypinwa jacaraquëjja, Diosaparaquïyäwa, jupanacasti nayan marcajjaraquïniwa.

Daniel (hebreo) 3:26

Uqham sasinsti Nabucodonosor reyejj horno puncuru jac'achasisinwa art'äna: —Sadrac, Mesac, Abed-nego, alajjpacha Diosan sirvirinacapa, mistunjjapjjam, ucat acaru jutjjapjjam —sasa. Uca quimsa waynanacasti uca nina taypitwa mistunjjapjjäna.

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Levítico 26:3

“Jumanacatejj nayan leyinacajjarjama sarnakapjjäta, uqhamarac camachi arunacajjsa phokhapjjaraquïta, ucarjamaraqui sarnakapjjäta ucapachasti,

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Zacarías 6:15

Jayanacatpachwa jakejj jutapjjani wasitat Tatitun templop sartayaña yanapt'añataqui; ucqhaw jumanacajj uñt'apjjätajja take ch'amani Tatitun nayaru qhitanitapjja. Ucasti lurasiniwa cunapachatï jumanacajj Tatitu Diosaman arupa ist'apjjäta, iyawsapjjaraquïta ucapacha.

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Deuteronomio 11:27

Bendicionsti catokapjjätawa, jumanacatejj Tatitu Diosaman camachi arunacapa phokhapjjäta, cawquïrtejj jichha urun churapcsma ucanaca, ucapacha;

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Deuteronomio 5:6

‘Nayätwa juman Tatitu Diosamajja, nayaraquiw Egipto marcatsa irpsuniracsma, cawqhantejj esclavot sirviscäyät ucana.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.