Jeremías 11:21

Aymar Bibliia 1986

Anatot chekan jaquir jakenacarusti, cawquïrinacatejj nayar jiwayañ amtapquitäna, ucatsti sapjjaraquitänwa: “Jan Tatitun sutipjjaru juc'ampi parlcjjamti, uqhamatsti janiw jiwayapcämäti” sasa.

Jak'a apnaqawi uñst'ayäwi

Isaías 30:10

Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.

Jeremías 1:1

Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 26:8

Cunapachatejj jupajj take cuntï Tatitojj parlañataqui churcatayna uca arunaca tucuyjjän ucqhasti, sacerdotenacas, profetanacasa, take jakenacasa Jeremiasaru catuntasinjja sapjjänwa “¡Jichhaw jumajj jiwätajja!

Jeremías 32:7

‘Uñtam, Hanameel, primo jilamawa, qhititejj Salum tioman yokapäqui, ucaw jutani, ucatsti cuna orakepatejj Anatot sisqui uca chekan utjqui uca orake “Alasjjeta” saraquïtamwa, jumasti uca orakjja alasjjaraquismawa, jac'a familiapätam laycu’ sasa.

Jeremías 34:20

Uca laycu, jichhajj nayajj uñisirinacaparuraquiw catuyäjja, uqhamaraqui janchinacapasa jach'a jamach'inacana, montenquir animalanacan mank'atäñapataquiw catuyaraquëjja.

Amós 2:12

“Ucampis jumanacajja nazareonacarojj vino umarayapjjtajja, profetanacarusti nayjjat parlirjja jarc'apjjaractawa.

Miqueas 7:6

Wawanacasti awquinacaparojj jisc'achapjjewa, imill wawanacasa taycap contraraquiw sayt'asipjje, yojjch'anacasti taycch'inacap contraraquiw sayt'asipjje, sapa maynin uñisirinacapasti pachpa familianacapaquiraquiwa.

Mateo 10:21

“Jakenacasti jilanacaparuw jiwayañataqui catuntayaraquini, awquinacasti wawanacaparuraquiw catuntayaraquini; wawanacasti uca quipcaraquiw awquinacaparojj jiwayañataqui catuntayaraquini.

Mateo 21:35

Uca yapun yapuchir jakenacasti uca qhitat uywatanacarojj catuntapjjewa, maynirojj nuwjapjjewa, maynirusti jiwayapjjewa; maynirusti kalampiraquiw c'upjapjjäna.

Mateo 22:6

Mayninacasti uca uywatanacarojj catuntasinjja jiwayañcamaw nuwjapjjäna.

Lucas 4:24

Jupasti sascaquïnwa: —Khanacwa sapjjsma, janiw qhiti profetas quicpa marcapanjja mä suman catokatäquiti.