Jeremías 11:19

Aymar Bibliia 1986

Nayajj mä qhariñ ovejar uñtata sumaquïscäyätwa, janiraquiw naya toke amtapjjatanacapsa yatcäyätti. Sapjjaraquïnwa: “Jichhajj aca koka tincuyañäni, cunapachatejj wali suma ch'ojjñasqui ucapacha; aca jaquir jakenacan orakepatjja jiq'inucuñäni uqhamat jan qhitis mayampi amtasjjañapataqui.”

Jak'a apnaqawi uñst'ayäwi

Job 28:13

Jakejj janiw yatquiti ucanacan wali jila alanïtapjja, janiraquiw acapachansa jicjjatquiti.

Salmos 109:13

Allchhipan allchhipajj jiwarayatäpan, sutipajj wiñayatac chhaktpan.

Salmos 112:6

Asqui jakejj janipuniw cunapachas aynacht'caniti. Asqui jakejj aytatapunïniwa.

Salmos 116:9

Tatitun nayrakatapan sarnakä, wiñay jacañ oraken jacä.

Salmos 142:5

Tatay, jumaruw art'asinsma, jumaruw saracsma: “Jumätaw nayan imantasiñajjajja; jumaquiw aca jacañ oraken take cunajjätasa” sasa.

Salmos 27:13

Nayasti jacañ oraken Tatitump cusisiñataquiw suyt'ascta.

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Salmos 35:15

Nayar lanctasir uñjasasti cusisipjjewa, janis uñt'atäquirist uqham uñjapjjetu, jan karjasisaw nuwjapjjetu.

Salmos 52:5

Diosasti wiñayataquiw tucjätam, t'akhesiyasin utamat jakonucütam; aca oraket jacañam apakaraquïtam.

Salmos 83:4

Jupanacajj nanacar t'unjiriw jutañ amtapjje, marcarojj chhaktayañ munapjje, Israelan sutipan jan mayamp amtatäñapataqui.

Proverbios 10:7

Asqui jaketjja suma amtañaw utji, ucampis ñankha jakerojja mäquiwa armatäjje.

Proverbios 24:15

Jucharar jake, jan amtamti asqui jake contra jan wali lurañanaca, janiraqui utaparusa jan walinacjja luramti;

Proverbios 7:22

Waynasti iyaw sasaw uca warmin khepapa sarawayi, cunjämatejj mä orko vacajj qhariñatac irpatajj uqhama, cunjämatejj mä tarujajj sipitar jalt'ejja uqhama,

Isaías 32:7

Jan wali sallka jakejja jan walinacacpun lurasqui, jan walinacaracwa amtasqui, pobrenacarusti c'arisiñanacapampiw aynacht'ayi, uqhamaraqui chekaparu uñjäwi mayir jakerusa.

Isaías 38:11

Saraquïyätwa: “Janiw Tatiturojj aca orakenjja mayampsa uñjcjjäti, janiraquiw qhitirus uñjcjjäti, aca oraken jaquirinacarusa.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 26:8

Cunapachatejj jupajj take cuntï Tatitojj parlañataqui churcatayna uca arunaca tucuyjjän ucqhasti, sacerdotenacas, profetanacasa, take jakenacasa Jeremiasaru catuntasinjja sapjjänwa “¡Jichhaw jumajj jiwätajja!

Lamentaciones 3:60

Nayar nuwaña amtäwinacapjja uñjamaya, uqhamarac cuntejj nayataqui amtapqui ucanacsa.

Ezequiel 32:24

“Ucancaraquiwa Elam marcasa, take soldadonacapampi, sepulturaparu muyuntata. Take jupanacasti guerranwa jiwarapjjaraquïnjja, Diosar jan uñt'iri jakenaca, mankhapacharuw sarapjjaraquïnjja. Cawquïrinacatejj jacasipqui ucanac taypinsti ajjsarcañanacwa sartayapjjaraquïna, ucampisa jichhajj jan yäkatawa cawquïrinacatejj sepulturaru imantatäpqui ucanaca chicaraquejja.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Oseas 9:8

Diosasti profetaparojj Efrainar uñjañapataquiw uscusi, ucampis jumanacajj sarnakañanacaparojj sipitanac uscupjjtajja; Diosan templopansa uñisisipcactawa.

Números 1:14

Gad tributjja: Eliasaf sat, Reuel chachan yokapa.