Jeremías 10:10

Aymar Bibliia 1986

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jak'a apnaqawi uñst'ayäwi

Génesis 21:33

Uca Beerseba chekansti Abrahamajj mä koka ayruntaraquïna, tamarisco sat mä koka, Tatituruw art'asiraquïna, wiñay jaquiri Diosaru.

1 Reyes 18:39

Uqham uñjasinjja, take jakenacawa orakeru alt'asipjjäna p'eke parampi oraker puriyañcama, aqham sasa: “¡Tatituwa Diosajja, Tatituwa Diosajja!” sasa.

1 Reyes 8:60

Uqhamatwa aca orakenquir take marcanacajj yatipjjani Tatitojj Diosätapa, jan yakhajj utjatapata.

1 Crónicas 29:11

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

2 Crónicas 15:3

Israel marcasti walja maranacawa jan cheka Diosanïcjjänti, yatichañapataquisa jan sacerdoteniraqui, uqhamarac Dios toketsa jan yatichataraqui.

Job 9:6

Jupaw oraksa onjjtayi, oraken utt'äwinacapsa qhathatiyaraqui.

Salmos 10:16

Tatitojj wiñayapuniw reyit kont'asi, ¡Diosar jan uñt'irinacasti orakepat jakonucutäniwa!

Salmos 100:3

Amtasipjjam, Tatitojj Diosawa: jupaw irnokestu, jiwasanacasti jupancapjjtanwa, jupan marcapäpjjtanwa, ovej tamapäpjjaractanwa.

Salmos 100:5

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Salmos 104:32

Diosajj uñtanqui ucapachajj orakejj qhathatiwa, kollunacar llamct'qui ucapachasti, jiwk'e mistuyapjje.

Salmos 114:7

¡Orake, Tatitun nayrakatapan qhathatim, Jacobon Diosap nayrakatan ajjsartam!

Salmos 145:13

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Salmos 146:6

Jupaw alajjpach acapach luri, lamar kotarusa, take ucan utjirinacarusa. Jupajj arsutap phokhapuniwa.

Salmos 18:7

Ucapachaw orakejj ch'amamp qhathatïna, kollunacajj saphitpach onjjtäna, Tatitun k'apisiñapamp qhathatiyatäpjjänwa;

Salmos 29:10

Tatituw jallurojj apnake, jupaw wiñay reyjamajj kont'asi.

Salmos 31:5

Amparamaruw ajayojj catuysma: Tatay, cheka Diosay, khespiyasiquitaya.

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Salmos 68:11

Tatituw mä yatiyäw arsu, warank warank jakenacaw ucjjat yatiyapjjäna:

Salmos 68:8

orakejj qhathatïnwa, jallojj alajjpachat purintäna, Sinaí kollojj Diosan nayrakatapan qhathatïna; Israelan Diosap nayrakatan ajjsaräna.

Salmos 74:12

Diosajjay, jumaw nayratpach reyïtajja, jumaw aca oraken walja cutinac atipjtajja.

Salmos 76:7

Jumajj ajjsarcayapunïtawa: ¿Qhitirac nayrakataman sayt'aspasti? ¿Qhitirac k'apisiñamar saycataspasti?

Salmos 76:8

Diosay, alajjpachatpach arsutam yatiytajja: orakejj ajjsariwa, amuct'araquiwa,

Salmos 77:18

Khejjokhejjonacamajj jach'a thayamp chicaw ist'asïna, llijullijunacamajj acapachpach khant'ayäna, orakesti qhathatïnwa.

Salmos 84:2

Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

Salmos 9:8

Asqui cancañampiw acapacharojj taripani, marcanacarusti chekaparuw uñjani.

Salmos 90:11

¿Qhitirac k'apisiñamamp lurjatanac yatisti? ¿Qhitirac k'apisiñam uñt'isti?

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Salmos 93:2

Tatay, reyi konuñamajj wiñayatpach jan onjjtquiriwa, jumasti wiñay jaquirïtawa.

Salmos 97:4

Khejjokhejjonacapajj acapach khantayi, uc uñjasinsti orakejj ajjsarañat qhathati.

Isaías 37:17

Tata, jichhajj ist'apjjetaya, uñtanipjjaraquita. Cuntejj Senaquerib reyejj ewjjanquitu uca arunac ist'araquim, uca arunacampisti jumaruw jisc'acharactamwa, jacquiri Dios Tata.

Isaías 37:4

Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.

Isaías 40:15

Jupataquejj take marcanacajj mä uma ch'akar uñtataquiwa, balanzansti mä jisc'a lak'ar uñtataquiraquiwa, kotanquir marcanacasti mä sapa ch'allampi sasiquiwa.

Isaías 40:28

¿Janit yatipctasti, janit ist'cta? Tatituw, wiñay Diosajja, aca orakpacha lurirejja, janiw jupajj ch'amtayquiti, janiraquiw karjasquisa, yatiñ cancañapasti jan tucusquiriwa.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 65:16

Qhititejj aca marcan mä bendición mayiñ munanejja, chekpacha asqui Diosaruw mayiraquini; aca marcan mä juramento luriristi, cheka asqui Diosan sutipjjaruw luraraquini. Nayra t'akhesïwinacasti armatäjjewa, nayrakatajjatsti chhaktjjaraquiwa.

Jeremías 23:36

Ucampisa jani mayampsa ‘Tatitun ewjjapaw’ sasajj parlapjjamti, ucampisa qhititejj parlani ucarojj, nayaw juparojj cuttayä uca pachpa arunacapajj mä carga tucuñapataqui. Jumanacajj jacquiri Diosana, Tatitu Diosamana arunacapjja jan waliruw tucuyapjjtajja, maysaruw k'ewipjjtajja.

Jeremías 4:2

sutejj-jja aytasiraquismawa juramento chekaparu lurasa, asquiru uqhamaraqui khanarusa. Sutejjasti marcanacataquejj asquïniwa, yupaychcañaraquïniwa” sasa.

Jeremías 4:24

Kollunac uñtta, ucanacasti qhathatisipcaraquïnwa; take kollunacaw qhathatipjjäna.

Jeremías 50:46

Babilonian tincutapasti jach'at ist'asini, take aca orakpachaw qhathatiraquini, arnakasitapasti yakha marcanacansa ist'asiraquiniwa.”

Jeremías 51:29

Aca orakejj qhathatiwa, ajjsarthapiraquiwa, Tatitun amtatanacapa phokhascatap laycu, Babiloniarojj mä ajjtascaña wasararuw tucuyaraqui.

Daniel (hebreo) 4:3

¡Cunja jach'as luräwinacapajja, uqhamaraqui milagronacapasa! Jupan reinopasti wiñayataquipunïniwa, munañanïñapasa wawanacapans wawanacapataqui.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Daniel (hebreo) 6:27

Jupaw khespiyirejja, arjjatirisa; alajjpachansa, acapachansa, luratanacapajj muspharcañawa. Leonanacan lacapatsa jupaw Daniel sirviriparojj khespiyaraqui” sasa.

Daniel (hebreo) 7:14

Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Miqueas 1:4

Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Nahúm 1:5

Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Nahúm 1:6

¿Qhitirac jupan colerasitaparusti sayt'asispa? ¿Qhitirac colerasitaparusti kallcataspa? Colerasiñapajj ninjamaw akatati, jupa nayrakatansti karkanacas payaruw ch'iyjtawayi.

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

Habacuc 3:6

Cunapachatï jupajj sayt'qui ucqhajj orakes qhathatiwa; uñtäwipampejj marcanacarus qhathatiyaraquiwa; nayrapacha jach'a kollunacasa allthaptaraquiwa, jisc'a kollunacas ina ch'usaruraquiw tucupjje. Ucampis Diosan thaquinacapajj wiñayataquipuniwa.

Malaquías 3:2

Ucampis ¿qhitis uca jutäwip urupanjja take ch'amampi sayt'aspa? ¿Qhitiraqui pachpa cayupampi sayt'asispa? Mä ninjamaw jupajj jutani suma k'omachañataqui, uqhamaraqui mä jabonar uñtata k'añunac jiwasan chuymasata jarekañataqui.

Mateo 16:16

Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Deuteronomio 5:26

¿Cawquïri jakerac utjaspa jacquir Diosan arup ist'iri, nina taypit parlasquiri, cunjämatï jiwasajj ist'tan janirac jiwctanti uqhama?

1 Tesalonicenses 1:9

Jan ucasti, jupanac pachpaw parlapjje nanacajj tumpapcsma ucjjatjja, sapjjaraquiwa sum jumanacajj nanacar catokapjjatama, uqhamarac yahka diosanacarus jaytanucjjapjjatama chekpach jacquiri Diosar arcañataqui, ucatsti jupar sirviñ kalltañataqui.

1 Timoteo 1:17

Uca luratanacapatwa jach'añchäwi churañäni wiñay jach'a Reyirojja. Jupajj janiw cunapachas jiwquiti, janiraquiw uñjcsnati uca take yatiñan mä sap Diosarojja. Uqhamäpan.

1 Timoteo 6:17

Aca orakenquir kamirinacarojj sañamawa: “Jan jach'a jach'a tucupjjamti” sasa, janiraqui kamir cancañaparus alcatasipjjpati, ucanacasti tucusiriquiwa. Ucat sipanjja jacquiri Diosaru catuyasipjjpan, qhititejj take cunsa jilarquir churquistu cusisit jacañasataqui ucaru.

Hebreos 10:31

¡Wali ajjsarcañawa jacquir Diosan amparaparu jalt'añajja!

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

Apocalipsis 20:11

Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Jueces 5:4

“Dios Tata, Seir sat chekat mistuwaycta ucqhasti; uqhamarac Edom sat chekaru sarcta ucqhajja, orakes qhathatïnwa, alajjpachasti chhijthaptaraquïnwa; kenayatsa jalluraquiw purintaraquïna.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.