Jeremías 1:18

Aymar Bibliia 1986

Nayaw jichhajj jumarojj sayt'aysma, mä suma jach'a perkani marcäcaspas uqhama, mä hierrot sayir perkäcasmas uqhama, broncet lurat perkäcasmas uqhama, take Judá orakempi catuntasiñamataqui: reyinacapampi, jilïrinacapampi, sacerdotenacapampi, uqhamaraqui take jakenacampisa.

Jak'a apnaqawi uñst'ayäwi

Isaías 50:7

Tatituw nayarojj yanapasquitu, ucatwa jaken jan wali arunacapajj jan chuyma ust'ayquituti, ucatracwa nayajj mä karkar uñtata suma sayt'astjja, yatiractwa nayajj janiw cuna p'enksa pascäti.

Jeremías 1:17

Jichhasti jumajj ch'amañcht'asim; ucatsti sarasinjja, cuntejj nayajj siscäma take ucanac sanim. Jan jupanacarojj ajjsaramti, ajjsaräta ucapachasti, nayajj jupanac nayräjjanwa qhathatiyäma.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Jeremías 15:20

Nayasti jumarojj aca marcataquejj broncet lurat perkjama tucuyaraquïma, jan atipcaya. Jumataquejj wali sartasipcani, ucampis janiw atipapcätamti, nayaw jumampi chicäscta, jumar khespiyañataquejja. Naya Tatituw uca arunacjja arsta.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 21:4

Israelan Tatitu Diosapajj aqham siwa: ‘Cawquïri tropanacampitejj jumanacajj nuwantasipcta ucanacjja kheparuw jittayä, Babilonianquir reyin tropanacaparu, caldeonacarusa, perkanacatjja jayaruw jittayä, ucatsti aca marca taypiruw tantacht'araquï.

Jeremías 26:24

Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Jeremías 34:3

Jumasti amparaparuw jalt'äta, ucatsti janiw khespcätati. Catuntapjjätamwa ucatsti Babilonianquiri reyiruw catuyapjjaraquïtam, jupa nayrakataru uñstayatatsti Babiloniaru apayataw uñjasiraquïta.

Jeremías 37:7

jupan sutipjjaru uca qhitanita jakenacaru sañapataqui: “Judá orakenquiri reyirojja, cawquïritejj nayaru jisct'añataqui qhitanipctam ucarojj aqham sapjjam: ‘Faraonan ejercitopasti, cawquïritejj jumanacaru yanapiri jutcän ucasti cuttawayjjewa Egipto marcaru.

Jeremías 38:18

Ucampisa janitejj jupanacaru catuyascäta ucapachasti caldeonacaw aca marcjja catuntasipjjani ucatsti ninampiw naqhantayapjjaraquini, jumasti janiraquiw ucatjja jaltañataqui ch'amanïcatati” sasa.

Jeremías 38:2

“Tatitojj siwa: ‘Qhititejj aca marcaru kheparcani ucajj guerran jiwani, jan ucajj mank'atjamasa, cunayman casta usumpisa. Ucampisa qhititejj aca marcat mistuwayjjani ucatsti caldeonacaru catuyasjjaraquini ucajj janiw jiwayatäcaraquiniti.’

Jeremías 42:22

Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Jeremías 6:27

Tatitusti saraquituwa: “Nayasti aca marcajjaru yant'añamataquiw jaytaracsma. Sum uñjam cunjämasa sarnakäwipajj uca” sasa.

Juan 1:42

Ucatsti Andresajj Simón jilaparojj Jesusan ucaruw irpäna. Jesusasti uñjasinjja sänwa: —Jumajj Simón sutinïtawa, Jonasan yokapa, ucampis jichhajj Cefas sutinïyätawa. (Ucasti Pedro sañwa muni.)

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.