Jeremías 1:10

Aymar Bibliia 1986

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 19:17

Uqhamatwa qhititejj Hazaelan espadapata jaltcani ucarojja, Jehú chachawa jiwayani, uqhamarac qhititejj Jehú chachan espadapata jaltcani ucarojja, Eliseo chachaw jiwayaraquini.

Eclesiastés 3:3

Jiwayañ horasa, kollañ horasa. Tucjañ horasa, utachañ horasa.

Jeremías 1:5

“Janïra jumar jacaña churcäyäsma ucqhatpachwa ajllïsma; janïra nascäyäta ucqhatpachwa nayajj yakhachäsma; marcanacan profetapäñamataquiw jumarojj uchsma” sasa.

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 25:13

Uca marcjjarusti take cunatejj kellkatäqui aca librona uqhamaraqui cunanactejj yatiycta take ucanacwa puriyanëjja; take cunanactejj Jeremiasajj nayan sutejj-jjaru take marcanacaru yatiycäna ucanaca.

Jeremías 31:28

Cunjämatejj jiq'inucuñataquisa, liwinucuñataquisa, pampa t'unjañataquisa, tucjañataquisa, cunayman ñankhanaca lurañataquisa nayajj janc'aquïyätjja, uqhamaraqui jichhajj janc'aquiraquïyäwa wasitat sayt'ayañataquisa, uqhamaraqui wasitata ayruntañataquisa. Naya Tatituw ucjja arsta.

Jeremías 31:40

Cawqharutejj jiwatanacajj imatäqui, uqhamaraqui khellas wartatäcaraqui, Cedrón jawira patanacasa, inti jalsu tokena Caballonacan puncupa satäqui ucasa nayaru catuyatcamaquïniwa, take ucanacasti janipuniw mayampsa t'unjatäcjjaniti” sasa.

Jeremías 36:2

“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Jeremías 44:27

Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Jeremías 45:4

Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Ezequiel 21:19

“Pä thaqui waquicham Babilonianquir reyejj espadapampi pasañapataqui. Uca pä thaquisti mä sapa marcatwa mistuniñaparaqui. Uca thaqui kalltarusti uscuñamaraquiwa mä chimpu, cawquirutejj uca thaquejj sarqui uca yatiñataqui.

Ezequiel 23:36

Tatitusti saraquituwa: “Jumasti chacha, ¿Ahola, uqhamaraqui Aholiba ucanac toke juchañchäwi arunac arsusmati? Uqhamächi ucapachasti ajanuparu khant'am uca ajjtascañ luräwinacapjja.

Ezequiel 32:18

“Jumasti chacha, yakha marcanacanquiri warminacampi chica aca alma imäwi k'ochu k'ochuraquim Egiptonquiri walja jakenac laycu, uqhamaraqui take jilïrinacap laycusa: ‘Ch'amaninacasti mankhapacharuw sarjjapjje, qhitinacatejj sepulturancjjapjje ucanacampi chica.

Ezequiel 36:36

Ucapachaw uca jac'anquir marcanacajj, cunatejj t'unjatäcäna uqhamaraqui ninampi naqhayatäcän ucanac naya Tatitojj wasitat sayt'ayjjatajja yatipjjani. Naya Tatituw ucjja arsta, arsutajjarusti phokhapunïwa.

Ezequiel 43:3

Uca unañchäwi uñjatajjasti, cunapachatejj mä unañchäwi uñjcäyäta, Tatitojj Jerusalén marca t'unjiri jutcän ucapacha, uqhamaraquiquïnwa. Cuna unañchäwitejj Quebar sat jawira jac'an uñjcäyät uca quipcaquiraquiquïnwa. Ucat nayajj oraker puriñcamaw p'ekejja alt'asta,

Oseas 6:5

Ucatwa profetanac toke t'unjapjjsmajja, arunacajj tokeraqui jiwayapjjaracsmajja. Nayan cheka cancañajjasti mä khanjamaw khant'aniraqui.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”