Hechos 1:3

Aymar Bibliia 1986

Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

Jak'a apnaqawi uñst'ayäwi

1 Reyes 19:8

Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Mateo 21:43

“Ucatpï sapjjsmajja, jumanacatjja Diosan reinopajj apakatäniwa, churasiraquiniw qhitinacatejj horasapar achunac churquis ucanacaru.

Mateo 28:9

Uqhamäquïpanwa Jesusajj jupanacarojj uñstaraquïna, ucatsti aruntaraquïnwa. Jupanacasti cayunacapar khomantasinwa Jesusataquejj quillt'asipjjäna.

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Mateo 4:2

Jesusasti ucapachajj jan mank'ataw sarnakäna pusi tunca urumpi pusi tunca arumampi, ucatsti mank'at awtjayasiraquïna.

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Juan 21:1

Acanac pasatatsti, Jesusajj wasitampiw discipulonacaparu uñstäna Tiberias sat kota thiyana. Aqhamwa uñstäna.

Juan 21:14

Acampejj Jesusajj quimsa cutiw discipulonacaparu uñstäna jiwatanac taypit jactatapat ucsarojja.

Hechos 13:31

Jesusasti walja urunacawa, uqhamaraqui walja cutiraquiw uñstäna, Galileat Jerusalenar jupamp chica maqhatapcäns ucanacaru. Jichhasti ucanacaw jupatjj jakenacar yatiyapjje.

Hechos 19:8

Ucatsti quimsa phajjsiw Pablojj sinagogar saräna. Ucansti jan ajjsarasaw Diosan arunacap jakenacar parläna, Diosan reinopat amuyt'ayasa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hechos 28:31

Ucansti jan ajjsartasaraquiw jupajj Diosan reinopatjja yaticharaquïna, uqhamarac Tatit Jesucristjjatsa. Janiraquiw qhitis juparojj jarc'cänti uqham parlatapatjja.

Hechos 8:12

Ucampis cunapachatejj Felipejj Diosan jach'a cancañapat parlcäna, uqhamarac Jesucriston sutipatsa khanañchcän ucapachajja, jupanacajj uca arunacar ist'asinjja iyawsapjjänwa. Ucatsti chachanacamppacha warminacamppachaw bautisasipjjäna.

Romanos 14:17

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

Deuteronomio 9:18

Ucatsti Tatitu Diosan nayräjjaparuw quillt'asta, cunjämatï nayrïrejja lurcäyäta uqhamaw pusi tunca urumpi pusi tunca arumampi ucancäyäta jan cuns mank'asa ni umasa, jumanacan jucha luratanacam laycu, cunampitejj Diosarojj ñankhachapjjta uqhamarac colerayapjjaracta.

Deuteronomio 9:9

Cunapachatï nayajj uca Horeb kolluru maqhatäyäta uca kalat lurat tablanac aptiri, Diosampi jumanacampi suma arust'äwi lurat khanañchir tablanaca ucqhajj, pusi tunca urumpi pusi tunca arumampiw ucancäyäta jan mank'asa ni umasa.

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

1 Tesalonicenses 2:12

Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.