Génesis 47:6

Aymar Bibliia 1986

Egipto orakesti jupanacanquiwa. Gosén orake jupanacar churam, ucasti aca marcpachanjja wali suma orakewa, ucan jacasipjjpan sam. Jupanac taypintejj wali ch'iqhi jakenacajj utjchi ucasti, ucjja uywanacajj awatiritwa uscüta —sasa.

Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Génesis 13:9

Acajj orakejja ajllisiñamataqui. Nayatjja sarakjjeta. Jumatejj amstaru sarätajja, nayajj aynacharuw sarjjä; ucampisa, jumatejj aynacharu sarjjätajja, nayajj amstaruw sarjjaraquï” sasa.

Génesis 20:15

Saraquïnwa: —Acajj marcajjajja, ajllisim cawqha chekas wali suma jacasiñamataquejj uca —sasa.

Génesis 34:10

Nanacampi jumanacajj jacasipjjam. Aca marcasti jumanacanquiwa, ucan jacasipjjam, negocionac lurapjjam, orakenacsa alasipjjam —sasa.

Génesis 45:10

Gosén oraken jacaraquïta, wawanacamampi, allchhinacamampi, take uywanacamampi cuna, uqhamarac take cunatejj utjctam ucanacampi. Uqhamatwa naya jac'ancascapinïtajja.

Génesis 46:34

ucapachasti jumanacajj sapjjamaya: “Nanacajj oveja awatirïpjjtwa nayra tiempotpacha” sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Génesis 47:11

Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Génesis 47:16

Joseasti saraquïnwa: —Janitejj kollkenacamajj utjcjjapjjstamjja, uywanacam apanipjjam, ucatwa nayajj trigompi trocapjjäma —sasa.

Génesis 47:4

Nanacajj jichhajj aca marcan jacasiñataquiw jutjjapjjta, Canaán orakensti mach'ajj walipuniw sarti, janiraquiw cuna pastos uywanacajjataqui utjquiti. Tata, “Gosén sisqui uca token jacasipjjam” sapjjetaya —sasaw sapjjäna.

Génesis 47:5

Faraonasti Josearojj saraquïnwa: —Awquimampi, jilanacamampejj jumampi jiquisiriw jutjjapjjejja.

1 Reyes 11:28

Jeroboam chachasti wali ch'amani, wali amtañani chachänwa; Salomonajj aca waynaru wali k'aphätap laycojj, catuyänwa Josean familiapa apnacañapataqui.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Éxodo 18:25

Ucat jupasti ajllïnwa, israelitanac taypitjja suma amuyt'an jakenaca, ucanacsti uchänwa jilïrinacata waranka, pataca, pheska tunca, uqhamarac tunca jakenacjjaru.

Éxodo 9:10

Moisesampi, Aaronampejj hornota khella apjjaruwayasinjja faraonan ucaruw sarapjjäna. Purisasti Moisesajj khellwa altor willtäna, ucatsti karachinacaw uñstäna jakenacana, uqhamarac uywanacansa.

Éxodo 9:21

Ucampis Tatitun arunacaparu jan iyawsirinacasti uywat sirvirinacapsa, uqhamarac uywanacapsa pamparuw jaytanucupjjäna.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Proverbios 22:29

Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.

Jeremías 40:4

Jichhajj uñtam, jichhpachaw aca cadenanaca jararjjäma. Jumatejj nayampi chica Babiloniaru sarañ munsta ucqhajj sarätawa; nayaw jumarojj sum uñjascaraquïma. Jan sarañ muncsta ucapachasti acaruqui kheparjjam. Take aca marcpachajj jumanquiwa, cawquirus munta ucaru sarascam jichhajja.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

1 Samuel 21:7

Uca urusti ucancascaraquïnwa Saúl reyin mä oficialapajja. Jupasti kollanawjaruw khepararaquitayna. Uca jakesti mä edomita jakënwa, Doeg sata, Saúl reyin awatirinacapan jilïriparaquïnwa.