Génesis 42:18

Aymar Bibliia 1986

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

Jak'a apnaqawi uñst'ayäwi

Génesis 20:11

Abrahamasti saraquïnwa: —Nayasti amuyayätwa aca chekanjja Diosar ajjsarañajj jan utjatapa, inas ucata warmejj causa jiwayatïrista.

Génesis 39:9

Aca utanjja nayaw jilïritjja, uywirejjasti janiraquiw cunsa “Janiw” sisquitutejja, jan ucasti juma sapacwa janejj churquitutejja, jumajj warmipätam laycu. Ucatsti ¿cunjämaraqui nayasti uywirejjarusti uca jan wali luririststi, uqhamarac Dios contrasa juch luraraquiriststi? —sasa.

Génesis 42:19

chekpacha suma jakenacäpjjsta ucajja. Jumanacajj mayni jilamaru carcelar jaytawayapjjam, ucat mayninacasti sarjjapjjam trigo apapjjaraquim familianacaman mank'añapataqui.

Nehemías 5:15

Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.

Nehemías 5:9

Ucjjarusti nayajj sascactwa: —Cuntï lurapcta ucanacjja janiw wal lurapctati. Jumanacajj Diosasataquejj ajjsarapjjañanacamänwa, ucatsti janiw munapjjañanacamäcänti jucharar uñisirinacasan larusipjjañanacapjja.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Éxodo 1:17

Ucampis parteranacajja Diosar ajjsarapjjatanacap laycusti janiw lurapcänti cuntejj Egiptonquir reyejj arscäna uqhamarojja, jan ucasti take yokall wawanacaruw jacayapjjäna.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Levítico 25:17

“Jan qhitisa yakharu jan walinac lurpati. Diosarusti ajjsartapjjaraquim. Nayätwa jumanacan Tatitu Diosamajja.

Levítico 25:43

Jan jupanacarojj khoru cancañampi uñjamti, jan ucasti Diosaru ajjsartam jupajj jumanacan Diosapätap laycu.

Lucas 18:2

Jupanacarusti sänwa: “Mä marcan mä juesaw utjäna. Jupasti janiw Diosarojj ajjsarcänti, janiraquiw jake masiparus yäkerïcänti.

Lucas 18:4

Walja urunacaraquiw uca juezajj jan ist'añ muncänti uca warmirojja. Ucatsti amuyt'asisin saraqui: “Diosarojj janiw ajjsarcti, janiraquiw qhitirus yäkcaractti.