Génesis 4:10

Aymar Bibliia 1986

Tatitusti saraquïnwa: —¿Cunatsa uc lurta? Jilaman wilapa oraker wartctasa ucaw nayarojj art'asinitu, nayan cunatejj chekapäqui uca uñjañajjataqui.

Jak'a apnaqawi uñst'ayäwi

Génesis 18:20

Uqhamasti Tatitojj sänwa: —Sodomanquiri, uqhamarac Gomorranquiri jakenacajj sinti jan wali jakenacat uñt'atäpjjewa, juchanacapasti sinti jan walipuniraquiwa.

Génesis 3:13

Ucatsti Tatitu Diosajj warmirojj jisct'araquïnwa: —¿Cunatsa uc lurta? —sasa. Warmisti saraquïnwa: —Catariw nayarojj c'arintitu ucatwa nayajj mank'antta —sasa.

Génesis 9:5

Nayaraquiw cuenta mayëjja sapakat jakeru, uqhamarac animalanacarusa, jumanacan wilanacamatjja. Sapakat jakeruw cuenta mayëjja jake masipan wilapatjja.

2 Reyes 9:26

“Cunjämtï wasürojja Nabot chachana, uqhamarac wawanacapana wilanacapa uñjtjja, uqhamaraquiw churäma cunatejj wact'ctam ucjja aca pachpa orakena. Naya Tatituwa ucjja arsta” sasa. Uqhamasti jumajj catusinjja, Nabot chachan orakeparu liwtanim, cunjämatï Tatitojj arscäna uqhamaru.”

2 Crónicas 28:9

Ucansti Tatitun mä profetapaw utjäna Oded sata, jupasti ejercitojj Samariaru mantasincäna ucar jicjjatiriw saräna, aqham sasa: —Jumanacan nayra awquinacaman Tatit Diosapaw Judá marcatac colerasi, ucatwa jupanacaru jumanacan amparamaru catuyapjjtam. Ucampis jumanacajj wali colerasiampiwa jupanacarojj jiwayapjjtajja, uca luratanacamasti alajjpachcamawa puri.

Job 16:18

“Aqhama naya contra jan wali luräwisti uñjatäñapawa; ¡orake janirac nayan mayisitajj-jja imantamti!

Job 24:12

Marcat jayanwa qhitinacatejj t'akhesisipqui, uqhamaraqui jachasipqui, aykosipcaraqui ucanacajj t'akhesisipqui, wararisipcaraqui; ucampisa Diosajj janiw jupanacarojj mayisitapjja ist'quiti.

Salmos 50:21

ucanac lurquipansa, amuquïscäyätwa, nayajj jumjamäquirist uqham amuytajja. Jichhasti jumaruw juchañchäma, ajanumaruw ircatäma.

Salmos 72:14

Jupaw t'akhesiñ taypit waysuni, jacañanacapan jila alanïtap laycu.

Salmos 9:12

Diosajj t'akhesirinacat amtasipuniwa, janiw jachatanacapat armasquiti, jupanacar t'akhesiyirinacarojj mutuyiwa.

Salmos 9:13

Tatay, nayat qhuyapt'ayasita, uñisirinacajjan nayar t'akhesiyatap uñtanim, jiwañ puncut wayst'asita.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Números 35:33

“Jan cuna jake jiwayañampis k'añuchapjjamti, cawquïri marcantejj jacapcta ucarojja, jake jiwayañajj marcar k'añuchatap laycu, ucatsti janiw cunampi cuttsuyasiñas mä jake jiwayatatjja utjquiti, jan ucasti jiwayirejj jiwañapapuniwa.

Hechos 5:3

Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Hechos 5:9

Pedrosti sascaquïnwa: —¿Cunats jumanacajj uqham yatichasipjjta Tatitun Ajayuparu c'arintañataqui? Acajjaya punc mantasinipqui chachaman jiwat amayapa imantanjjerinacajja, jichhasti jumaruraquiw apapjjätam —sasa.

Deuteronomio 21:1

“Cawquïri oraktejj Tatitu Diosamajj churcätam uca orakentejj mä jiwayat jakeru uñjapjjäta, janirac qhitin jiwayatapas yatiscaraquiniti,

Hebreos 11:4

Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Josué 7:19

Ucatsti Josué chachajj Acán jakerojj sänwa: —Wawajja, Israel marcan jach'a Diosaparojj jach'añcham; jan c'arisisaraqui take juchanacam arsusim jan cunsa imt'asa —sasa.

1 Samuel 13:11

Ucampis Samuelojj sänwa: —¿Cunatsa uca lurta? —sasa. Saúl reyisti saraquïnwa: —Cunapachatejj jakenacaru sarjjapjjeri uñjta, jumasti janiraquiw cuna urutejj puriniñamäcän uca urus purinctati, filisteonacasti Micmas sisqui uca chekan tantacht'atäsipcaraqui,