Génesis 39:4

Aymar Bibliia 1986

Ucatwa Josearojj uywiripajj suma uñjaraquïna, ucatsti jupan yanapiripatwa utt'ayäna, uqhamarac cunatejj utapan utjcän ucanacjjaru munañanïñwa utt'ayaraquïna, take cun jupar catuyaraquïna.

Jak'a apnaqawi uñst'ayäwi

Génesis 15:2

Ucampis Abramajj saraquïnwa: —Dios Tatitu, ¿cunataquirac walïni juman churatamasti? Jumajj asquiw yatistajja nayan jan wawanïtajj-jja. Cunjämatejj jan mä wawsa churquistajja, take cunatejj utjquitu ucjja Damasconquir Eliezeriw catjjani, jupasti mä uywatajjaraquiwa —sasa.

Génesis 18:3

aqham sasa: —Tatitojja, achict'asmawa, janiquiy mäqhi saramti.

Génesis 19:19

Jumanacajj sinti jach'a asquinacwa lurapjjestajja, nayataquisti sinti suma jakenacäpjjtawa, khespiyapjjaraquistawa jacañajjsa, ucampis janiw nayajj kollu tokenacar sarquiristti, t'unjäwisti thaquinjja catjaraquitaspawa, ucatsti nayajj jiwaraquiristwa.

Génesis 24:2

Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,

Génesis 32:5

jichhasti utjaraquituwa, vacanaca, asnonaca, ovejanaca, esclavonaca, esclavanaca; aca ewjja jumaru apayansma, juman suma chuymama suyt'asa’ ” sasa.

Génesis 33:10

Ucampisa Jacobojj sascaquïnwa: —Janiw uqhamäcaspati. Nayajj achict'assmawa, juman nayrakatamantejj qhuyapayasiñam jicjjatsta ucapachajj catoketay aca wajjt'äwjja, jumar uñjatajjasti Diosarus uñjquirista uqhamawa, niyaquejjay jumajj wali suma catokchistajja.

Génesis 33:8

Esausti acatjamatwa jisct'äna: —¿Cunsa luräta take uca uywa tamanacampejja, cuntejj jutasin uñjancta ucanacampejja? —sasa. —Ucajj juman nayat qhuyapt'ayasiñamataquiwa —sasaw Jacobojj saraquïna.

Génesis 39:8

Ucampis Joseajj janiw muncänti, saraquïnwa: —Jumajj uñjtawa, uywirejjajj take yänacapwa nayar catuyitu, nayan acancquipansti janiw jupajj cunatsa llaquiscaraquiti.

1 Reyes 16:9

Ucampisa Zimri oficialapaw jupa contra tucüna, juparuw catuyatäna ejercitopana mä chicata nuwasiñ carronacapa. Mä urojj Ela reyejj Tirsa marcana, Arsa sat mayordomopan utapanccasinwa machjasiñcama umäna.

Ester (hebreo) 2:9

Aca tawakosti walicjamaquïnwa Hegai sat chachataquejja, ucatsti munasiñapwa jicjjatäna. Ucampis Hegai chachajj churänwa k'apquir kollanaca jiwaquïñapataqui, uqhamaraquiwa suma mank'anaca churaraquïna, ucjjarusti real sat palacion uywata pakallko warminaca churaraquïna, jupanacampiraquiw irpayaraquïna warminacan palaciopancqui uca suma utanacaru.

Proverbios 14:35

Ch'iqhi uywatajj reyirojj cusisiyiwa, ucampis jan cuns lurir uywatajja reyin colerapacwa catokani.

Proverbios 16:7

Cunapachatï jaken sarnakäwipajj Tatitutac sumäqui ucqhajja, uñisiripampisa Tatitojj juparojj sumancayiwa.

Proverbios 17:2

Ch'iqhi uywatasti utaniruw tucji, jan ist'asiri yokapats jilanquiwa; patronapan wawanacapamp chicaraquiwa herencia catokaraquini.

Proverbios 22:29

Qhititejj mä cunsa suma lurcani ucajja, reyinacaruwa sirvini, janiwa aynacht'ata jakenacar sirvcaniti.

Proverbios 27:18

Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.

Proverbios 3:4

ucatsti sumaru uñjata, munataraquïyätawa Diosan nayrakatapana, uqhamarac jakenacan nayrakatapansa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Rut 2:6

Jupasti sänwa: —Uca tawakojj Noemí warmimp chica Moab marcata jutiriwa,

1 Samuel 16:22

Saúl reyejj mä ewjja Isaí chachan ucarojj ewjjaraquïna, Davidan kheparañapataqui achict'asisa, Davidan wali suma waynätap laycu.

1 Samuel 2:26

Ucampisa Samuel waynajj jiltascaquïnwa, sarnakatapasti Tatitutaquisa, jakenacataquisa asquiraquïnwa.