Génesis 3:8

Aymar Bibliia 1986

Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

Jak'a apnaqawi uñst'ayäwi

Génesis 18:33

Cunapachatejj Tatitojj Abrahamampi parlañ tucuyjjän ucqhajj uca chekatjja sarawayjjänwa, Abrahamasti carpaparuraquiw cuttjjäna.

Génesis 3:10

Jakesti saraquïnwa: —Huerton sarnakatam ist'ta, ucatsti ajjsarayätwa, k'alala uñjasitajj laycuw imantasjjaracta —sasa.

Job 31:33

Janipuniw mayninacjama juchanacajj-jja imantasirïcäyätti, janipuniw uca juchanacjja jan arsusiña munirïcäyätti,

Job 38:1

Uqhamasti Tatitojj Job chacharojj mä jach'a thaya taypitwa parläna:

Proverbios 15:3

Tatitojj take chekanquiwa; jupajj uñch'uquisquiwa asqui jakenacaru, uqhamarac ñankha jakenacarusa.

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Oseas 10:8

C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Jonás 1:3

Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Romanos 2:15

Luratanacapampiwa jupanacajj uñacht'ayi chuymanacapan uca leyejj kellkatätapa. Chuymapaw uqham khanañchi, ucatpï uca quipca chuymaparaqui juchañchanejja jan ucajj arjjatanisa.

Deuteronomio 23:14

Jumanacan Tatitu Diosamasti jumanac taypinwa sarnake, campamento chekana, jumanacar imañataqui uqhamata uñisirinacamar atipjayañataqui, ucat sipansa jumanacan campamento utamajj kollanäñapawa, uqhamata Diosajj jan cuna k'añunac uñjañapataqui; janitejj uqhamäcaspa ucqhajj Diosajj janiw jumanacampïcaspati.

Deuteronomio 4:33

¿Utjpachati cawquïri marcasa jumanacjam Tatitu Diosar ist'iri nina taypitpach parlasinquiri?

Deuteronomio 5:25

Ucat sipansa, ¿cunatarac jiwasasti jiwañäni uca ninan naqhantata? Wastattejj Diosan arup ist'añäni ucqhajj jiwañäniwa.

Hebreos 4:13

Janiw cunas Diosan luratanacapatjja jupat imantascaspati, take cunaw khanstayata, uqhamarac jist'arata qhitirutejj jaqhuta churcañäni ucan nayrakatapanjja.

Apocalipsis 6:15

Acapach reyinacasti, take munañani jakenacasa, kamirinacasa, jilïr militaranacasa karka p'iyanacaruw imantasjjapjjäna, take esclavonacampi, uqhamarac libre sarnakasiri jakenacamp chica.