Génesis 3:24

Aymar Bibliia 1986

Edén huertot jakeru apsjjasinsti, uca huertot inti jalsu tokerojj querubines sat angelanacwa Diosajj uscüna, ucanacasti mä akquir espada ayt'asitäpjjänwa, take toket muyuntapjjaraquïna, jan qhitis jacañ kokar puriñapataqui.

Jak'a apnaqawi uñst'ayäwi

Génesis 3:23

Ucatwa Dios Tatitojj jakerojj Edén huertotjja apsüna, ucatsti cuna lak'at luratäcäntejj uca orake irnakañapataquiw uscüna.

Génesis 4:1

Chachasti Eva warmipampiw mayachasjjäna. Warmisti usur jakeptjjaraquïnwa, Caín wawapwa wawachasjjaraquïna, ucatsti saraquïnwa: “Jichhajj mä yokall wawanëjjtwa, Tatituw churaraquitu” sasa.

Génesis 4:14

Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Salmos 104:4

Thayanacajj qhitanacamawa, nina lawranacasti arsutam phokherinacawa.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Éxodo 25:2

“Israelitanacarojja nayataqui ofrenda apthapipjjañapataqui yatiyam. Jumanacasti, apthapipjjätawa qhitinacatejj take chuymampi churañ munqui ucanacata.

Ezequiel 10:1

Ucatsti uñjaractwa: Chhekan angelanacan p'ekenacapat alay alajjpachanjja mä konuñaw uñstäna safiro sisqui uca kalaru uñtasita.

Ezequiel 31:11

Ucatpï nayajj juparojj apanuctjja; jichhajj mä yakha marcanquirin jilïripan amparaparuw jalt'ayaraquëjja, jupasti cunjämarutejj ñankha luratanacapatjja waquisqui uqhamaruw purjjaraquini.

Números 22:23

Cunapachatejj asnojj Tatitun angelapa uñjcäna chica thaquir sayantata, mä espada ayt'asita, ucqhajj asnojj maysaruw thaquitjja saranucüna, yakha tokenjam sarasa, ucampis Balaamajj wal asnorojj jawk'jäna thaquiru cuttayaniñataquejja.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Hebreos 1:7

Angelanac toketjja Diosajj saraquiwa: “Angelanacajj thayjamäpjjpan, sirvirinacapasti nina akerinacjamaraquïpan” sasa.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.