Génesis 22:12

Aymar Bibliia 1986

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

Jak'a apnaqawi uñst'ayäwi

Génesis 20:11

Abrahamasti saraquïnwa: —Nayasti amuyayätwa aca chekanjja Diosar ajjsarañajj jan utjatapa, inas ucata warmejj causa jiwayatïrista.

Génesis 22:13

Abrahamasti uñatatasisinjja, mä orko oveja uñji mä koka taypin wajjrat achuntata. Sartasinsti uca oveja aptani, ucat Diosar sacrificiot loktäna wawap lanti.

Génesis 22:16

aqham sasa: —Tatitojj aqham siwa: “Jichhajj aqham luratamata, mä sapa wawama sacrificiot loktaniñsa janiraqui ʻJaniwʼ satamatjja, naya quipcaw juramentompi arsta,

Génesis 22:2

Diosasti saraquïnwa: —Isaac wawamar irpjjarum, sapa yokall wawamaru, sinti munat wawamaru, ucatsti Moriah oraker saram. Uca chekar purisinsti, cawquïri kolltejj nayajj uñacht'aycäma uca chekan nayaru wawama sacrificiot loktita —sasa.

Génesis 26:5

Abrahamasti nayarojj ist'araquituwa, arsutanacajjsa phokharaquïnwa, camachi arunacajjsa, leyinacajjsa, yatichäwinacajjsa phokharaquïnwa” sasa.

Génesis 42:18

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

Nehemías 5:15

Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Job 28:28

Diosasti jakenacarojj sänwa: “Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja” sasa.

Job 5:19

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Salmos 1:6

Tatituw asqui jakenacan sarnakäwip yati, ñankha lurir jakenacan thaquipasti aynacht'añaruw puriyi.

Salmos 111:10

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Salmos 147:11

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Salmos 2:11

Tatiturojj ajjsart'añamp loktapjjam, qhathatiñamp jupan nayrakatapan alt'apjjam, jupan jan k'apisiñapataqui, thaquin jan aynacht'apjjañamataqui, Tatitun k'apisiñapan mäc ch'alljjtirïtap laycu. ¡Jupamp arjjatayasirinacajj cusisiñanïpjjewa!

Salmos 25:12

Tatitur wakaychir jakerojj, arcañ thaqui uñacht'ayi:

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Éxodo 20:20

Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Proverbios 1:7

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Jeremías 19:5

Uqhamarusa Baal diosaru wawanacapa sacrificiot loktañataquisa altaranacwa lurarasipjjaraqui, uqham lurapjjañapsti janiw nayajj jupanacarojj siscäyätti, janiraquiw uqham lurapjjañapjja amtcäyätti.

Jeremías 32:40

Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 16:24

Jesusasti discipulonacaparojj saraquiwa: —Maynitejj nayar arcañ munchitu ucajja, jupa quipcat armt'aspan, ucatsti arquitpan jacañap apt'asirjamäcchi ucasa.

Mateo 19:29

Uqhamaraqui take qhitinacatejj jaytanucuni utanacapa, jilanacapa, cullacanacapa, taycapa, awquipa, wawapa uqhamarac orakepsa naya laycu ucanacajja, patac cuti ucqhampwa catokapjjani, uqhamaraqui wiñay jacañampi.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Hechos 9:31

Ucapachasti jach'a samarañaraquiw iglesianacanjja utj-jjäna, Judeana, Galileana, uqhamarac Samariana. Jupanacasti wali ch'amaniraquiw tucjjapjjäna. Tatitur ajjsarasaraquiw sarnakapjjäna. Uqhamatwa Kollan Ajayun ch'amapampejj waljaniptapjjaraquïna.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

1 Corintios 10:13

Take yant'anactï jumanacajj t'akhesipcta ucanacajja, cunjämtï mayninacajj t'akhesipqui uqhamaraquiquiwa. Jumanacajj Diosaruw catuyasipjjañamajja, jupasti janiw jumanacarojj jach'a jan atipcaya yant'anacjja churapcätamti. Cunapachatï yant'ajj jutcani ucqhajja, Diosajj cunjämatsa uca yant'ar atipjañjja yanapapjjaraquïtamwa, uqhamatwa atipjapjjäta.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

Hebreos 11:19

Abrahamajj yatïnwa Diosajj jiwatanac jactayañataquis ch'amanïtapa, ucasti mä arunjja aqhamäspawa: Abrahamajj wastatsa wawapjja jiwatanac taypit catokaspa uqhamawa.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Santiago 2:18

Inas maynejj sischini: “Jumajj iyawsañanïtawa, ucampis nayajj suma luräwinac lurtjja” sasa. Jichhajj uñacht'ayitaya jan suma luräwinacan iyawsañamjja, nayasti uñacht'ayaraquïmawa iyawsañajj-jja suma luratanacajj toke.

Apocalipsis 19:5

Ucatsti mä aruraquiw tronotpacha ist'asïna: “Yupaychapjjam Diosasaru, take qhitinacatejj jupar sirvipjjta ucanaca, uqhamarac jupar ajjsaririnacasa, jisc'as jach'asa” sasa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.